அவன் இவன் என்ற படத்தின் மூலம் நடித்து பிரபலமானவர் நடிகர் ராமராஜ். இவர் தற்போது உடல் நலக்குறைவால் காலமானார்.
கூட்டுறவு வங்கியில் மேலாளராக பணியாற்றி வந்த இவர் ஓய்வுக்குப் பிறகு சினிமாவில் நடிக்க தொடங்கினார். விஷால் மற்றும் ஆர்யா நடித்த அவன் இவன் என்ற திரைப்படத்தில் போலீசாக நடித்து ரசிகர்களிடையே புகழ்பெற்றவர். இதையடுத்து சில படங்களில் தொடர்ந்து நடித்து வந்தார். இந்நிலையில் உடல்நல குறைவு காரணமாக மதுரையில் உள்ள தனியார் மருத்துவமனை ஒன்றில் கடந்த மாதம் அனுமதிக்கப்பட்டிருந்தார். மருத்துவர்கள் தீவிர சிகிச்சை அளித்து வந்த நிலையில் சிகிச்சை பலனின்றி நேற்று இரவு உயிரிழந்தார்.
இவரின் மரணம் ரசிகர்கள் மற்றும் திரையுலகினர் இடையே பெரும் அதிர்ச்சியை ஏற்படுத்தி உள்ளது. 72 வயதாகும் ராமராஜன் உடல் அவரது சொந்த ஊரான ராமநாதபுரம் மாவட்டம் முதுகுளத்தூருக்கு கொண்டு செல்லப்பட்டுள்ளது. இவருக்கு மனைவி மற்றும் மூன்று மகன்கள் உள்ளனர் என்பது குறிப்பிடத்தக்கது.