தமிழ் சினிமாவில் உச்ச நட்சத்திரமாக ஜொலிக்கும் தல அஜித் வலிமை திரைப்படத்தை தொடர்ந்து தற்போது எச். வினோத் இயக்கத்தில், போனி கபூர் தயாரிப்பில் துணிவு என்ற திரைப்படத்தில் நடித்து வருகிறார். இந்த படத்தில் மஞ்சு வாரியர் ஹீரோயின் ஆக நடிக்க, சமுத்திரகனி மற்றும் ஜான் கொக்கன் உள்ளிட்டோர் முக்கிய வேடத்தில் நடிக்கின்றனர்.
இந்த படத்தின் பர்ஸ்ட் லுக் போஸ்டர்கள் அண்மையில் வெளியான நல்ல வரவேற்பை பெற்ற நிலையில், அடுத்த வருடம் பொங்கல் பண்டிகையை முன்னிட்டு துணிவு திரைப்படம் ரிலீஸ் ஆகும் என அதிகாரப்பூர்வமாக அறிவிக்கப்பட்டுள்ளது.
இந்நிலையில் துணிவு திரைப்படத்தின் ப்ரொமோஷன் நிகழ்ச்சியில் அஜித் பங்கேற்பார் என்ற செய்தி வெளியாகிவந்த நிலையில், அது குறித்து குட்டி அறிக்கை ஒன்றை அஜித் வெளியிட்டுள்ளார். அதில் அவர், “ஒரு நல்ல திரைப்படமே அந்த திரைப்படத்தின் சிறந்த ப்ரொமோஷன்” என்று குறிப்பிட்டுள்ளார். இந்த அறிக்கையின் மூலம் அவர் துணிவு ப்ரொமோஷன் நிகழ்ச்சிகளில் பங்கேற்கமாட்டார் என்று தெரிவித்துள்ளார்.