வினோத்-அஜித் கூட்டணியில் நேர்கொண்ட பார்வை, வலிமை உள்ளிட்ட திரைப்படங்களைத் தொடர்ந்து தற்போது துணிவு திரைப்படம் உருவாகி வருகின்றது. இத்திரைப்படத்தை போனி கபூர் தயாரிக்கின்றார். மேலும் மஞ்சு வாரியார், சமுத்திரக்கனி உள்ளிட்டோர் நடிக்க ஜிப்ரான் இசையமைத்துள்ளார். இத்திரைப்படம் 2023 பொங்கலுக்கு ரிலீஸ் ஆகின்றது. தற்போது படத்தின் டப்பிங் பணிகள் நடந்து வருகின்றது. இத்திரைப்படத்தை ரெட் ஜெயண்ட் சார்பாக தமிழகத்தில் உதயநிதி வெளியிட உள்ளார்.
‘துணிவு’ படத்தில் நடிகர் சமுத்திரக்கனி முக்கிய கேரக்டரில் நடித்து வருகிறார் என்பது பலருக்கும் தெரியும். ஆனால், அது என்ன கேரக்டர் என்பதை தற்போது அவர் ட்விட்டரில் வெளிப்படுத்தியுள்ளார். போலீஸ் உடையில் படு கெத்தாக இருக்கும் போட்டோவை பதிவிட்டு, ‘துணிவு பரபரப்பாக’ என்று குறிப்பிட்டுள்ளார். போட்டோவில் இயக்குநர் வினோத்தும், பின்னால் ஒரு பெரிய லாரியின் டிப்பரும் உள்ளது.