கன்னியாகுமரி மாவட்டத்தில் புகழ் பெற்ற சுசீந்திரம் தாணுமாலயசாமி கோவில் அமைந்துள்ளது. இந்நிலையில் கோவிலுக்கு வருகின்ற சுற்றுலா பயணிகள் மற்றும் பக்தர்கள் தல வரலாற்றை தெரிந்து கொள்ளும் வகையில் ரூ.8½ லட்சம் செலவில் 60 இன்ச் தொலைகாட்சி பெட்டிகள் கோவில் முகப்பில் மற்றும் நவக்கிரக மண்டபம் அருகில் பெரிய அளவில் வைக்கப்பட்டுள்ளது. மேலும் தல வரலாறு, திருவிழாக்கள் மற்றும் தேரோட்டம் குறித்த அரிய தகவல்கள் சுமார் 30 நிமிட வீடியோவாக உருவாக்கப்பட்டுள்ளது. 25 பக்தர்கள் அமர்ந்து அறிந்து கொள்ளும் வகையில் அங்கு ஏற்பாடு செய்யப்பட்ட ஒளிரப்பு நேற்று மாலை முதல் தொடங்கியது.
இதனை குமரி மாவட்ட திருக் கோவில்களின் இணை ஆணையர் ஞானசேகர் பார்வையிட்டு ஆய்வு செய்தார். மேலும் தேவசம் பொறியாளர்கள் ராஜ்குமார், ஐயப்பன், கணக்கர் கண்ணன், கோவில் மேலாளர் ஆறுமுகதரன்,திருக்கோவில் அலுவலக கணக்கர் குற்றாலிங்கம் மற்றும் திரளான கலந்து கொண்டனர். இந்நிலையில் திருக்கோவில் நிர்வாகம் கோவிலுக்கு வருகின்ற சுற்றுலா பயணிகளுக்கும், பக்தர்களுக்கும் தல வரலாற்றை எடுத்துக் கூறும் வகையில் கோவில் பணியாளர்கள் 3 பேரை சுற்றுலா வழிகாட்டியாகவும் நியமித்துள்ளது.