‘தளபதி 66’ படத்தில் பிரபல தெலுங்கு நடிகர் மகேஷ் பாபுவின் மகள் நடிக்க இருப்பதாக தகவல் வெளியாகியுள்ளது.
தமிழ் திரையுலகில் முன்னணி கதாநாயகனாக வலம் வரும் விஜய் நடிப்பில் நெல்சன் திலீப்குமார் இயக்கத்தில் பீஸ்ட் திரைப்படம் உருவாகி வருகிறது. இந்த படத்தில் பூஜா ஹெக்டே, அபர்ணா தாஸ், விடிவி கணேஷ், யோகி பாபு, செல்வராகவன், ஷைன் டாம் ஷாக்கோ உள்ளிட்ட பலர் நடிக்கின்றனர். சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார். தற்போது இந்த படத்தின் படப்பிடிப்பு விறுவிறுப்பாக நடைபெற்று வருகிறது. இதை தொடர்ந்து விஜய்யின் 66-வது படத்தை பிரபல இயக்குனர் வம்சி இயக்க இருக்கிறார்.
மேலும் பிரம்மாண்டமாக உருவாகும் இந்த படத்தை பிரபல தெலுங்கு தயாரிப்பாளர் தில் ராஜூ தயாரிக்கிறார். இந்நிலையில் தளபதி 66 படத்தில் பிரபல தெலுங்கு நடிகர் மகேஷ் பாபுவின் மகள் சித்தாரா நடிக்க இருப்பதாக தகவல் வெளியாகியுள்ளது. அவர் இந்த படத்தில் விஜய்க்கு மகளாக நடிக்க இருப்பதாக கூறப்படுகிறது. விரைவில் இதுகுறித்த அறிவிப்புகள் வெளியாகும் என எதிர்பார்க்கப்படுகிறது.