ரேஷன் கார்டு மூலமாக மக்களுக்கு ஏழை எளிய மக்கள் பயன்பெறும் வகையில் சீனி, பருப்பு, கோதுமை உள்ளிட்ட பொருட்கள் மலிவு விலையில் வழங்கப்படுகிறது. அரிசி இலவசமாக வழங்கப்படுகிறது. அதுமட்டுமின்றி அரசின் சலுகைகளும் நியாயவிலைக் கடைகள் மூலமாக வழங்கப்படுகிறது. இந்த நிலையில் தமிழக அரசால் நியாயவிலை கடைகளுக்கு வரும் 2022ஆம் வருடத்திற்கான 12 நாட்கள் விடுமுறை தினங்கள் அறிவிக்கப்பட்டுள்ளது.
ஜனவரி மாதம் 14 ஆம் தேதி வெள்ளிக்கிழமை பொங்கல் பண்டிகை, ஜனவரி மாதம் 18 ஆம் தேதி செவ்வாய்க்கிழமை தைப்பூசம், ஜனவரி மாதம் 26 ஆம் தேதி புதன்கிழமை குடியரசு தினம், ஏப்ரல் மாதம் 14 ஆம் தேதி வியாழக்கிழமை தமிழ் புத்தாண்டு, மே மாதம் 1 ஆம் தேதி உழைப்பாளர் தினம், மே மாதம் 3 ஆம் தேதி ரம்ஜான், ஆகஸ்ட் மாதம் 15 ஆம் தேதி சுதந்திர தினம், ஆகஸ்ட் மாதம் 31 ஆம் தேதி விநாயகர் சதுர்த்தி, அக்டோபர் மாதம் 2 ஆம் தேதி காந்தி ஜெயந்தி, அக்டோபர் மாதம் 5 ஆம் தேதி விஜயதசமி, அக்டோபர் மாதம் 24 ஆம் தேதி தீபாவளி, டிசம்பர் மாதம் 25 ஆம் தேதி கிறிஸ்துமஸ் என, மொத்தம் 12 நாட்கள் விடுமுறை அறிவிக்கப்பட்டுள்ளது.