ஓமனில் இறந்தவரின் உடலை தமிழகத்திற்கு கொண்டு வர கோரி அவரது உறவினர்கள் முதல்வர் ஸ்டாலினுக்கு விடுத்துள்ள கோரிக்கை பெரும் நெருக்கடியாக அமைந்துள்ளது.
கன்னியாகுமரி மாவட்டம் குலசேகரம் அருகேசெருப்பாலூர், முள்ளம்பாறை விளையை எனும் பகுதி அமைந்துள்ளது. இப்பகுதியைச் சேர்ந்தவர் சேகர்(49). பெயிண்டர் தொழில் செய்து வரும் இவர் வளைகுடா நாடான ஏமனில் கடந்த 5 ஆண்டுகளாக வேலை செய்து வந்துள்ளார். இந்நிலையில் ஓமனில் வேலை செய்த சேகர் கடந்த 17ஆம் தேதி நெஞ்சுவலியால் இறந்து விட்டதாக குடும்பத்தினருக்கு தகவல் வந்துள்ளது.
இதைக் கேட்ட அவரது மனைவி மகள்கள் உறவினர்கள் கதறி அழுதனர். இதை தொடர்ந்து சேகரின் உடலை சொந்த ஊருக்கு கொண்டு வரும் பணியில் உறவினர்களும் குடும்பத்தினரும் ஈடுபட்டு வருகின்றனர். ஆனால் பத்து நாட்கள் ஆகியும் இது வரை அவரது உடலை சொந்த ஊருக்கு கொண்டு வர முடியாத சூழ்நிலை உள்ளது. இதனால் அவரது குடும்பத்தினர் மற்றும் உறவினர்கள் இறந்த சோகத்தில் உள்ளனர். இதுதொடர்பாக மாவட்ட நிர்வாகம் தமிழக அரசு விரைந்து நடவடிக்கை எடுக்க வேண்டும் என சேகரின் மனைவி மேரி எஸ்கலின் கோரிக்கை விடுத்துள்ளார்.
இதுபற்றி அவரது உறவினர்கள் சிலர் கூறிய போது, குடும்ப சூழல் காரணமாக ஓமன் நாட்டுக்கு சென்று வேலை செய்தவர் திடீரென நெஞ்சுவலி இறந்துவிட்டார் அவரது உடலை கொண்டுவருதில் பல சிக்கல்கள் உள்ளது. கடைசியாக அவர் முகத்தை பார்த்துவிட்டு சொந்த மண்ணில் அடக்கம் செய்யலாம் என குடும்பத்தினர் 10 நாட்களாக போராடி வருகின்றனர். ஆனால் கொண்டு வரமுடியவில்லை. இதனால் எப்படியாவது சேகர் உள்ள தமிழ்நாட்டில் கொண்டு வர வேண்டும் என்பதில் உறுதியாக இருக்கிறோம். இதில் தமிழக அரசு முதல்வர் முக ஸ்டாலின் தலையிட்டு உடலை கொண்டு வர உதவி செய்ய வேண்டும் என அந்த கிராமத்து மக்கள் தெரிவித்துள்ளனர்.
தற்போது உக்ரைன் நாட்டின் மீது ரஷ்யா போர் தொடுத்தால் உலக நாடுகள் பதற்றம் அடைந்துள்ளனர். இதன் காரணமாக இந்திய வெளியுறவுத் துறை வட்டாரத்தில் பரபரப்பான சூழ்நிலை நிலவி வருகிறது. இந்நிலையில் ஓமனில் இறந்தவரின் உடலை தமிழகம் கொண்டுவர வேண்டுமென கோரிக்கை விடுத்திருப்பது. முதல்வர் மு.க ஸ்டாலினுக்கு வந்துள்ள பெரிய நெருக்கடியாக பார்க்கப்படுகிறது. தமிழக அதிகாரிகள் அதிர்ச்சி அடைந்து செய்வதறியாமல் திகைத்து வருகின்றனர்.