தமிழகத்தில் கொரோனா 3-வது அலை பாதிப்புகளுக்கு பின் கடந்த பிப்ரவரி 1ஆம் தேதி முதல் மீண்டும் பள்ளிகள் திறக்கப்பட்டு நேரடி வகுப்புகள் நடத்தப்பட்டு வருகிறது. இந்நிலையில் முன்பே திட்டமிடப்பட்டிருந்த திருப்புதல் தேர்வு நடத்தி முடிக்கப்பட்டது. அத்துடன் மே மாதம் பொதுத் தேர்வுகள் நடத்தப்படும் என்று அறிவிக்கப்பட்டுள்ளது. தற்போது தேர்வுக்கான நாட்கள் மிகவும் குறைவாகவுள்ள நிலையில் ஆசிரியர்கள் பொதுத் தேர்வுக்கான பாடங்களை விரைந்து நடத்தி வருகின்றனர். இந்த நிலையில் நேற்று (மார்ச்.2) பொதுத் தேர்வுக்கான கால அட்டவணை வெளியாகி இருக்கிறது.
அதில் 12ஆம் வகுப்பு மாணவர்களுக்கு மே 5ஆம் தேதி முதல் பொதுத்தேர்வு நடைபெற இருக்கிறது. அதன்பின் 11ம் வகுப்பிற்கு மே 9 முதல் பொதுத்தேர்வு தொடங்க இருக்கிறது. அதனை தொடர்ந்து 10ஆம் வகுப்பிற்கு மே 6ஆம் தேதி முதல் 30ம் தேதி வரை பொதுத்தேர்வு நடைபெறும் என்று பள்ளிக்கல்வித்துறை தெரிவித்துள்ளது. இதனால் பாட வாரியான கால அட்டவணையும் வெளியாகி இருக்கிறது. இவ்வாறு தேர்வுகள் முடிந்த பின் கோடைவிடுமுறை விடப்படும் என்றும் தெரிவிக்கப்பட்டது. ஆகவே எந்தெந்த வகுப்பு மாணவர்களுக்கு எவ்வளவு நாட்கள் விடுமுறை என்பதை நாம் தெரிந்து கொள்வோம்.
கோடை விடுமுறை நாட்கள்
#1 -9ஆம் வகுப்பு வரை உள்ள மாணவர்களுக்கு 30 நாட்கள் கோடை விடுமுறை விடப்படும்.
# 12ஆம் வகுப்பு மாணவர்களுக்கு 12 நாட்கள் கோடை விடுமுறை
# 11ஆம் வகுப்பு செல்லவிருக்கும் மாணவர்களுக்கு 23 நாட்கள் கோடை விடுமுறை