தமிழகத்தில் தீபாவளிக்கு ஐந்து நாட்கள் விடுமுறை அளிக்க வேண்டும் என்று அரசுக்கு பட்டாசு வணிகர்கள் கோரிக்கை விடுத்துள்ளனர். தமிழ்நாடு பட்டாசு வணிகர்கள் கூட்டமைப்பின் மூன்றாவது மாநில மாநாடு சிவகாசியில் நடைபெற்றது.இதில் பட்டாசு காண 18% ஜிஎஸ்டியை 12 சதவீதமாக குறைப்பது உள்ளிட்ட கோரிக்கைகளை மத்திய மற்றும் மாநில அரசுகளுக்கு முன்வைத்து 13 தீர்மானங்கள் நிறைவேற்றப்பட்டன.
அப்போது தமிழகம் முழுவதும் உள்ள அனைத்து நிரந்தர பட்டாசுக்கடை உரிமங்களை 5 ஆண்டுகளுக்கு புதுப்பித்து வழங்க வேண்டும். நிரந்தர பட்டாசுக்கடை உரிமத்தை புதுப்பிக்க விண்ணப்பித்த 90 நாட்களுக்குள் உரிமம் வழங்கப்பட வேண்டும். நிரந்தர பட்டாசுக்கடை உரிமங்களை புதுப்பிக்க எளிய நடைமுறையை பின்பற்ற வேண்டும். தீபாவளிக்கு ஐந்து நாட்கள் விடுமுறை அளிக்க வேண்டும், பட்டாசுக்கான 18 சதவீத GST வரியை 12 சதவீதமாக குறைக்க வேண்டும் ஆகிய 5 முக்கிய தீர்மானங்கள் நிறைவேற்றப்பட்டன.