உலக பாரம்பரிய வாரம் இன்று நவம்பர் 19 முதல் 25-ம் தேதி வரை கொண்டாடப்படுகிறது. இத்தினம் மக்களிடையே தங்களது சமூக கலாசார பாரம்பரியத்தைக் குறித்த விழிப்புணர்வு ஏற்படுத்தும் நோக்கில் கொண்டாடப்பட்டு வருகிறது. இது மேலும் பாரம்பரிய பெருமை கொண்ட இடங்களை பாதுகாக்கவும் அவற்றின் மீது அக்கறை கொள்ளவும் தூண்டுகிறது.
இந்நிலையில் சென்னை, மாமல்லபுரத்தில் உள்ள சின்னங்களை பார்வையிட இன்று(நவம்பர் 19) சுற்றுலா பயணிகளுக்கு இலவசம் என புராதன தொல்லியல் துறை அறிவித்துள்ளது. உலக பாரம்பரிய வார விழாவை முன்னிட்டு, இந்த அறிவிப்பு வெளியிடப்பட்டுள்ளது. இதனால், இதை சுற்றுலாப்பயணிகள் பயன்படுத்திக் கொள்ளும்படி தெரிவிக்கப்பட்டுள்ளது.