தங்கம் விலையானது கடந்த வாரத்தில் தொடர்ச்சியாக ஏற்ற இறக்கத்துடன் இருந்து வந்த நிலையில், வாரத்தின் முதல் நாளான இன்று திங்கள்கிழமை சற்று குறைந்துள்ளது. சென்னையில் இன்று 22 கேரட் ஆபரணத் தங்கமானது 1 கிராம் 4539 ரூபாய்க்கு விற்பனை செய்யப்படுகிறது. வாரத்தின் கடைசி நாளான கடந்த சனிக்கிழமை மாலை இதன் விலையானது ரூபாய் 4542ஆக இருந்தது. இன்று தங்கத்தின் விலையானது கிராமுக்கு ரூபாய் 3 குறைந்து உள்ளது.
கடந்த சனிக்கிழமை மாலை நிலவரப்படி ரூபாய் 36,336-க்கு விற்பனை செய்யப்பட்ட 1 சவரன் ஆபரணத் தங்கமானது இன்று ரூபாய் 24 குறைந்து ரூ.36,312-க்கு விற்பனையாகிறது. 1 கிராம் ஆபரணத் தங்கத்தின் விலையானது கோயம்புத்தூர், திருச்சி ஆகிய மாவட்டங்களில் ரூபாய் 4539 விற்பனை செய்யப்படுகின்றது.
தங்கத்தின் விலை குறைந்துள்ள நிலையில், வெள்ளியின் விலை சற்று குறைந்தே காணப்படுகிறது. 1 கிராம் வெள்ளி சனிக்கிழமை மாலை நிலவரப்படி ரூபாய் 65.00 விற்பனை ஆன நிலையில் இன்று கிராமிற்கு ரூ. 0.10 குறைந்து 64.90 விற்பனை செய்யப்படுகிறது. வாரத்தின் கடைசி நாளான கடந்த சனிகிழமை மாலை நிலவரப்படி தங்கத்தின் விலையில் எந்த மாற்றமும் இன்றி விற்பனையான நிலையில் இன்று காலை நிலவரப்படி சவரனுக்கு ரூபாய் 24 விலை குறைந்துள்ளது.