தமிழகத்தில் ஜெயலலிதா மறைவுக்கு பிறகு அதிமுகவில் பல்வேறு மாற்றங்கள் நடந்தபடி உள்ளது. சசிகலாவை பொதுச் செயலாளராக ஏற்றுக் கொண்டு அதிமுக தொண்டர்கள் கட்சி பணியாற்ற கிளம்புவதற்குள் சொத்து குவிப்பு வழக்கின் தீர்வு வெளியானது. இதனால் சிறைக்குப் புறப்பட்ட சசிகலா ஆட்சிக்கு எடப்பாடி பழனிசாமியையும், கட்சிக்கு டிடிவி தினகரனையும் அடையாளம் காட்டிவிட்டுச் சென்றார். ஆனால் அவர் சென்ற சில காலத்திலேயே சசிகலாவுக்கும் டிடிவி தினகனுக்கும் ஒரே நேரத்தில் எடப்பாடி பழனிச்சாமி தண்ணீர் காட்டினார். அதனை தொடர்ந்து அம்மா மக்கள் முன்னேற்ற கழகம் என்ற கட்சியை தொடங்கி டிடிவி தினகரன் நடத்தி வருகிறார். அமமுக பெரிய அளவில் எதையும் சாதிகாமல் போனாலும் சட்டமன்ற மற்றும் நாடாளுமன்ற தேர்தலில் கணிசமான வாக்குகளை பெற்று வருகிறார். இதற்கிடையில் சிறை வழக்கை முடிந்து தமிழகத்திற்கு திரும்பிய சசிகலா அதிமுகவில் அதிகாரம் செலுத்த முடியாமல் ஒதுங்கியே இருந்து அரசியல் செய்து வருவதோடு நீதிமன்றத்திலும் அதிமுகவுக்கு உரிமை கோரி வழக்கு தொடுத்துள்ளார்.
இந்நிலையில் உடனிருந்து பயணம் செய்த ஓபிஎஸ் மற்றும் அவரது ஆதரவாளர்களை கட்சியை விட்டே நீக்கி தண்ணீர் காட்டிய எடப்பாடி பழனிச்சாமி அதிமுகவின் ஒற்றை தலைமையாக உருவெடுத்துள்ளார். இது குறித்து நீதிமன்றத்தை நாடிய ஓபிஎஸ் முதற்கட்ட வெற்றி கிடைத்தாலும் எடப்பாடி பழனிச்சாமியின் மேல்முறையீடு வழக்கில் பெரும் பின்னடைவை ஒபிஎஸ் சந்தித்துள்ளார். இது அவரது ஆதரவாளர்கள் மத்தியில் கழகத்தை ஏற்படுத்தி உள்ளது. இந்த பரபரப்பான சூழலில் டிடிவி தினகரன் பாஜக தலைமை ஆஃபர் ஒன்றை அழிக்க முன்வந்துள்ளதாக தகவல் வெளியாகியுள்ளது. அதாவது, சமீபத்தில் டிடிவி தினகரனை பாஜக தலைவர்கள் டிடிவி தினகரனை சந்தித்து பேசி உள்ளனர். அப்போது, சசிகலா மற்றும் ஓபிஎஸ் அதிமுகவை பார்த்துக் கொள்வார்கள். நீங்கள் பேசாமல் அமமுகவை கலைத்துவிட்டு பாஜகவில் சேரலாம் என்று ஓபனாக கேட்டு சிரித்துள்ளனர். அதற்கு டிடிவி தினகரன், நான் எவ்வளவு சிரமத்துக்கு மத்தியில் இந்த கட்சியை உருவாக்கினேன் என்பது உங்களுக்கே தெரியும். அப்படி இருக்கும்போது கட்சியை கலைப்பது என்பது என்னால் முடியாத காரியம். உங்களால் முடிந்தால் எடப்பாடி கழற்றிவிட்டு, அதன் முகமே ஒன்றிணையுங்கள். ஒரு வேலை முடியாதபட்சத்தில் வேண்டுமானால் வரும் காலத்தில் கூட்டணியாக இணைந்து செயல்படுவோம் என்று அவர் பச்சைக்கொடி காட்டியதாக தகவல் வெளியாகி உள்ளது.