“டிஎன்பிஎஸ்சி குரூப் 4 தேர்வர்கள் கவனத்திற்கு….!!” வெளியான மிக மிக முக்கிய அறிவிப்பு….!!

தமிழ்நாடு அரசு பணியாளர் தேர்வாணையத்தின் மூலம் ஆண்டுதோறும் குரூப்-4 தேர்வு நடத்தப்பட்டு வருகிறது. அந்தவகையில் கடந்த 2019 ஆம் ஆண்டிற்கான குரூப் 4 தேர்வு 01.9.2019 அன்று நடைபெற்றது. இந்த தேர்வில் தேர்ச்சி பெற்றவர்கள் குறித்த விபரங்கள் 12.11.2019 அன்று வெளியிடப்பட்டது. இந்நிலையில் இந்த தேர்வில் வெற்றி பெற்றவர்களுக்கு மூன்றாம் கட்ட சான்றிதழ் சரிபார்ப்பு மற்றும் கலந்தாய்வு நடைபெற உள்ளதாக டிஎன்பிஎஸ்சி அறிவித்துள்ளது. தொடர்ந்து குரூப் 4 தேர்வில் தேர்ச்சி பெற்றவர்கள் தேர்வாணைய அலுவலகத்தில் தட்டச்சர் பதவிக்கு நடைபெறும் கலந்தாய்வில் 15.02.2022 ம் தேதி கலந்து கொள்ளுமாறு டிஎன்பிஎஸ்சி கூறியுள்ளது. அதோடு தேர்ச்சி பெற்றவர்கள் குறித்த விபரங்கள் அதிகாரபூர்வ இணைய தளங்களில் வெளியிடப்பட்டுள்ளன எனவும் டிஎன்பிஎஸ்சி  சார்பில் தெரிவிக்கப்பட்டுள்ளது.