டாக்டர் படத்தில் இடம்பெற்ற செல்லம்மா பாடலின் கிளிம்ப்ஸ் வீடியோ வெளியாகியுள்ளது.
தமிழ் திரையுலகில் முன்னணி கதாநாயகனாக வலம் வரும் சிவகார்த்திகேயன் நடிப்பில் உருவாகியுள்ள திரைப்படம் டாக்டர். நெல்சன் திலீப்குமார் இயக்கியுள்ள இந்த படத்தில் பிரியங்கா அருள் மோகன் கதாநாயகியாக நடித்துள்ளார். மேலும் யோகி பாபு, வினய், அர்ச்சனா, தீபா உள்ளிட்ட பலர் முக்கிய கதாபாத்திரங்களில் நடித்துள்ளனர். சிவகார்த்திகேயனின் எஸ்.கே புரொடக்ஷன்ஸ் மற்றும் கே.ஜே.ஆர் ஸ்டுடியோஸ் நிறுவனம் இணைந்து தயாரித்துள்ள இந்த படத்திற்கு அனிருத் இசையமைத்துள்ளார். வருகிற அக்டோபர் 9-ஆம் தேதி டாக்டர் திரைப்படம் தியேட்டர்களில் ரிலீஸாக உள்ளது.
மேலும் அதே நாளில் இந்த படம் தெலுங்கில் வருண் டாக்டர் என்ற பெயரில் வெளியாகவுள்ளது. சமீபத்தில் டாக்டர் படத்தின் அட்டகாசமான டிரெய்லர் வெளியாகி ரசிகர்களிடையே நல்ல வரவேற்பை பெற்றது. இதைத் தொடர்ந்து வெளியான Soul Of Doctor தீம் இணையத்தில் செம வைரலானது. இந்நிலையில் டாக்டர் படத்தில் இடம்பெற்ற செல்லம்மா பாடலின் கிளிம்ப்ஸ் வீடியோ வெளியாகியுள்ளது. இந்த கலக்கலான வீடியோ தற்போது ரசிகர்களை வெகுவாக கவர்ந்து வருகிறது. ஏற்கனவே செல்லம்மா பாடலின் லிரிக் விடியோ யூடியூபில் 120 மில்லியன் பார்வையாளர்களைக் கடந்துள்ளது குறிப்பிடத்தக்கது.