ஜோதிகாவின் 50-வது படமான உடன்பிறப்பே படத்தின் டிரைலர் வெளியாகியுள்ளது.
தமிழ் திரையுலகில் முன்னணி கதாநாயகியாக வலம் வருபவர் ஜோதிகா. கடந்த வருடம் இவர் நடிப்பில் உருவான பொன்மகள் வந்தாள் திரைப்படம் நேரடியாக அமேசான் பிரைமில் வெளியாகியிருந்தது. இதைத்தொடர்ந்து ஜோதிகா இயக்குனர் இரா.சரவணன் எழுதி இயக்கியுள்ள உடன்பிறப்பே படத்தில் நடித்துள்ளார். இது ஜோதிகாவின் 50-வது படமாகும். மேலும் இந்த படத்தில் சசிகுமார், சமுத்திரகனி, சூரி, கலையரசன், நிவேதிதா, ஆடுகளம் நரேன், உள்ளிட்ட பலர் முக்கிய கதாபாத்திரங்களில் நடித்துள்ளனர்.
சூர்யாவின் 2டி என்டர்டெயின்மென்ட் நிறுவனம் தயாரித்துள்ள இந்த படத்திற்கு டி.இமான் இசையமைத்துள்ளார். இந்நிலையில் உடன்பிறப்பே படத்தின் அசத்தலான டிரைலர் வெளியாகி ரசிகர்களிடையே நல்ல வரவேற்பை பெற்று வருகிறது. மேலும் வருகிற அக்டோபர் 14-ஆம் தேதி ஆயுத பூஜையை முன்னிட்டு இந்த படம் நேரடியாக அமேசான் பிரைமில் ரிலீஸாகவுள்ளது குறிப்பிடத்தக்கது.