“பைரட்ஸ் ஆஃப் தி கரீபியன்” திரைப்பட தொடர் வாயிலாக உலகளவில் பிரபலமானவர் நடிகர் ஜானிடெப். இவர் திருமண வாழ்க்கையின்போது தன்னை பாலியல் ரீதியில் துன்புறுத்தியதாக ஜானி டெப்பின் முன்னாள் மனைவி ஆம்பர் ஹெர்ட் வழக்குத் தொடர்ந்தார். இதனை எதிர்த்து தன் பெயருக்கு கலங்கம் விளைவிக்கும் அடிப்படையில் ஆம்பர் வழக்குப்பதிவு செய்துள்ளதாக ஜானிடெப் பதில் மனு தாக்கல் செய்தார். இவ்வழக்குகளில் ஜானிடெப் நிரபராதி என்று ஆம்பர் ஹெர்ட் தொடர்ந்த வழக்குகள் ஆதாரமற்றவை எனக்கூறி நீதிமன்றம் அதிரடி தீர்ப்பளித்தது.
அத்துடன் அவதூறு பரப்பும் விதமாக பொய்யாக குற்றச்சாட்டுகளை முன்வைத்ததற்காக ஆம்பர் ஹெர்ட் தன் முன்னாள் கணவர் ஜானிக்கு இழப்பீடாக 78 கோடி ரூபாயும் (10 மில்லியன்), அபராதமாக 38 கோடி ரூபாயும் ( 5 மில்லியன்) என மொத்தம் 116 கோடி ரூபாய் (15 மில்லியன்) வழங்கவேண்டும் என நீதிமன்றம் அதிரடி தீர்ப்பு அளித்தது. இவ்வழக்கு உலகளவில் பேசுபொருளானது. இந்த நிலையில் இவ்வழக்கை திரைப்படமாக எடுக்க ஒரு தயாரிப்பு நிறுவனம் முன் வந்துள்ளதாக கூறப்படுகிறது. அதுமட்டுமின்றி இப்படத்திற்கு ஹாட் டேக்: தி டெப் அல்லது ஹெர்ட் டிரைல் என பெயரிடப்பட இருப்பதாக தகவல் வெளியாகியுள்ளது. எனினும் இப்படம் குறித்து இதுவரையிலும் அதிகாரப்பூர்வ தகவல் எதுவும் வெளியாகவில்லை.