வினோத்-அஜித் கூட்டணியில் நேர்கொண்ட பார்வை, வலிமை உள்ளிட்ட திரைப்படங்களைத் தொடர்ந்து தற்போது துணிவு திரைப்படம் உருவாகி வருகின்றது. இத்திரைப்படத்தை போனி கபூர் தயாரிக்கின்றார். மேலும் மஞ்சு வாரியார், சமுத்திரக்கனி உள்ளிட்டோர் நடிக்க ஜிப்ரான் இசையமைத்துள்ளார். இத்திரைப்படம் 2023 பொங்கலுக்கு ரிலீஸ் ஆகின்றது. தற்போது படத்தின் இறுதிகட்ட பணிகள் விறுவிறுப்பாக நடந்து வருகின்றன.
சமீபத்தில் ‘சில்லா சில்லா’ பாடல் வெளியாகி வரவேற்பை பெற்று வரும் நிலையில், அதனை கொண்டாடும் விதமாக ரசிகர் ஒருவர் 6 அடிக்கு அஜித்துக்கு சிலை வைத்து அசத்தியுள்ளார். தேனி, சின்னமனூரை சேர்ந்த காளிதாஸ் ஹோட்டல் நடத்தி வரும் நிலையில், துணிவு பட கொண்டாட்டத்தை முன்னிட்டு புதிய கிளையை திறந்து அதில் சிலையும் வைத்துள்ளார். இதனால் அஜித் ரசிகர்கள் கொண்டாட்டத்தில் ஈடுபட்டுள்ளனர்.