தமிழ் சினிமாவில் பழைய வண்ணாரப்பேட்டை என்ற திரைப்படத்தின் மூலம் இயக்குனராக அறிமுகமானவர் மோகன் ஜி. அதன்பின் மோகன் ஜி இயக்கிய திரௌபதி மற்றும் ருத்ர தாண்டவம் திரைப்படங்கள் நல்ல வரவேற்பு பெற்றது. இதைத்தொடர்ந்து மோகன் ஜி தற்போது பகாசூரன் என்ற திரைப்படத்தை இயக்கியுள்ளார். இந்தப் படத்தில் இயக்குனர் செல்வராகவன் ஹீரோவாக நடிக்க, நட்டி நட்ராஜ் மற்றும் ராதாரவி உள்ளிட்டோர் முக்கிய வேடங்களில் நடிக்கின்றனர்.
இந்நிலையில் சாம் சிஎஸ் சிசையமைக்கும் பகாசூரன் திரைப்படத்தின் ஃபர்ஸ்ட் லுக் போஸ்டர்கள் மற்றும் டீசர் வெளியாகி ரசிகர்கள் மத்தியில் நல்ல வரவேற்பை பெற்றுள்ளது. இந்த படத்தின் இறுதி கட்டப் பணிகள் விறுவிறுப்பாக நடைபெற்று வரும் நிலையில், பகாசூரன் படத்தின் தமிழக வெளியீட்டு உரிமையை எஸ்எஸ்ஐ நிறுவனம் பெற்றுள்ளது. இந்த படம் நவம்பர் மாதம் ரிலீஸ் ஆகும். மேலும் படத்தின் ரிலீஸ் தேதி குறித்த தகவல் கூடிய விரைவில் வெளியாகும் என்று எதிர்பார்க்கப்படுகிறது.
