செல்வராகவன் மற்றும் தனுஷ் கூட்டணியில் உருவாகும் படத்தின் பெயர் மாற்றப்படுவதாக தகவல் வெளியாகியுள்ளது.
தமிழ் சினிமாவில் முன்னணி நட்சத்திரங்களில் ஒருவராக வலம் வருபவர் நடிகர் தனுஷ். இவர் நடிப்பில் வெளியாகும் படங்களுக்கு என்று தனி ரசிகர் பட்டாளம் உள்ளது. இயக்குனர் செல்வராகவன் மற்றும் தனுஷ் இருவரின் கூட்டணியில் “நானே வருவேன்” படம் உருவாக இருப்பதாக தகவல் வெளியானது. இது தனுஷ் ரசிகர்களிடையே பெரும் ஆர்வத்தை ஏற்படுத்தி இருந்தது.
இந்த படத்திற்கு யுவன் சங்கர் ராஜா இசையமைக்கிறார். இதன் படப்பிடிப்பு கர்ணன் படத்தின் போது தொடங்குவதாக இருந்தது. ஆனால் ஒரு சில காரணங்களால் தள்ளிப் போனது. இந்நிலையில், இந்த படத்தின் படப்பிடிப்பு இந்த மாத இறுதிக்குள் தொடங்கும் என்று தகவல் வெளியாகியுள்ளது.மேலும், இந்த படத்துக்கு நானே வருவேன் என்ற பெயருக்கு பதிலாக ராயன் என பெயரிடப்பட்டுள்ளது என தகவல் வெளியாகியுள்ளது. இதுகுறித்த அதிகாரப்பூர்வ தகவல் எதுவும் வெளியாகவில்லை என்பது குறிப்பிடத்தக்கது.