கர்நாடகாவில் செய்தித்தாளில் மோடியின் புகைப்படம் முன் பக்கத்தில் போட்டு விளம்பரம் செய்ததற்கு கடும் எதிர்ப்பு எழுந்துள்ளது.
இந்தியாவில் பல மாநிலங்களில் கொரோனா தொற்று அசுர வேகத்தில் பரவி வருகின்றது. இவற்றில் கட்டுக்குள் கொண்டு வருவதற்கு அனைத்து மாநில அரசுகளும் பல்வேறு முயற்சிகளை செய்து வருகின்றனர். இதைத் தவிர்த்து பல மாநிலங்களில் ஆக்சிஜன் இல்லாத காரணத்தினால் நோயாளிகள் பெரும் அவதிக்குள்ளாகி உள்ளனர்.
இப்படிப்பட்ட சூழ்நிலையில் கர்நாடகாவில் செய்தித்தாளில் மோடியின் புகைப்படத்தை போட்டு விளம்பரம் செய்ததற்கு கடும் எதிர்ப்பு கிளம்பியுள்ளது. மக்கள் கொரோனா தடுப்பூசி கிடைக்காமல் அவதிப்பட்டு வருகின்றனர். போதிய மருத்துவ வசதி இல்லாமல் நிறைய பேர் இறந்து வருகின்றனர். இதுபோன்று அவசியமில்லாத செயல்களை விடுத்து மக்களை காப்பதில் அரசு முன்னுரிமை அளிக்க வேண்டுமென ஜனதாதள தலைவர் குமாரசாமி தெரிவித்துள்ளார்.