கார்த்திக் சுப்புராஜ் இயக்கத்தில் விக்ரம் நடித்துள்ள மகான் படத்தின் படப்பிடிப்பு முடிந்து பின்னணி பணிகள் விறுவிறுப்பாக நடைபெற்று வருகிறது. நடிகர் விக்ரமின் 60-வது படம் மகான். கார்த்திக் சுப்புராஜ் இயக்கியுள்ள இப்படத்தில் விக்ரமும் அவரது மகன் துரு விக்ரமும் முதல்முறையாக இணைந்து நடித்துள்ளனர்.
மேலும் சிம்ரன், வாணி போஜன், பாபி சிம்ஹா ஆகியோர் முக்கிய கதாபாத்திரத்தில் நடித்துள்ளனர். கேங்ஸ்டர் கதையம்சம் கொண்ட இப்படத்திற்கு சந்தோஷ் நாராயணன் இசையமைத்துள்ளார். இந்நிலையில் மகான் திரைப்படம் நேரடியாக OTT-யில் வெளியாக உள்ளதாக கூறப்படுகிறது. ஏற்கனவே கார்த்திக் சுப்புராஜ் இயக்கிய ஜகமே தந்திரம் திரைப்படமும் நேரடியாக OTT-யில் வெளியானது குறிப்பிடத்தக்கது.