சுவையான அதிரசம்…செய்து பாருங்க…!!!

பச்சரிசியை நன்கு கழுவி 2 மணி நேரம் ஊற வைக்கவும். பின்பு தண்ணீரை நன்கு வடித்து சுத்தமான துணியில் பரப்பி 30 நிமிடம் வரை உலர விட்டு மிக்சியில் சேர்த்து அரைத்து, பின் சல்லடையில், சலித்துக் கொள்ளவும்.

1 கோப்பை நீரை கொதிக்க வைத்து, பின் வெல்லம் சேர்க்கவும். பின்பு பாகு வந்ததும், அதனை வடிகட்டி மறுபடியும் அடி கனமான பத்திரத்தில் ஊற்றி 8 லிருந்து 10 நிமிடம் காய்ச்சவும். நடுவே பாகு வெந்து கொண்டிருக்கும் போது, ஒரு கோப்பையில் நீர்  எடுத்து இரண்டு சொட்டு பாகை விட்டுப் பார்க்கவும். பாகு கரையாமல் அப்படியே இருந்தால் அதாவது தண்ணீரில் பாகு உருட்ட அலவுக்கு வந்தால் அது  சரியான பக்குவமாகும்.

பின்னர் தீயைக்குறைத்து, அதில் அரிசி மாவை சிறிது சிறிதாக தூவி கட்டி இல்லாமல் கிளறவும். பின்பு நன்கு ஒன்று சேர்ந்ததும் அதனுடன் நெய், சுக்கு மற்றும் ஏலக்காய் தூள் சேர்த்தும் அடுப்பிலிருந்து  இறக்கி, சூடு ஆறியதும் ஒரு வெள்ளைத்துணி போட்டு மூடி வைக்கவும்.

மறுநாள் வாணலியில் எண்ணெய் காயவைத்து நன்கு சூடானதும், எலுமிச்சை அளவு மாவு எடுத்து உருண்டையாக்கி லேசாகத் தட்டி எண்ணெயில் போடவும், லேசாக சிவந்ததும் திருப்பி இரண்டு பக்கமும் வெந்ததும் எடுத்து விடவும். சுட்ட அதிரசத்தை ஒன்றன் மேல் ஒன்றாக வைக்காமல் தனித்தனியாக வைக்கவும். ஒட்டிக்கொள்ளாமல் இருக்கும். சுவையான வெல்ல அதிரசம்