சுதா கொங்கார இயக்கத்தில் சிம்பு நடிக்க இருப்பதாக செய்தி தீயாய் பரவி வருகிறது.
தமிழ் சினிமாவில் முன்னணி நடிகரான நடிகர் சிம்புவின் நடிப்பில் சமீபத்தில் வெளியான மாநாடு திரைப்படம் மாபெரும் வெற்றி பெற்றது . இப்படத்தை தொடர்ந்து தற்போது சிம்பு பிஸியான ஹீரோவாக மாறியுள்ளார். அதோடு மாநாடு திரைப்படத்தின் மூலம் மெகா ஹிட் கொடுத்து தான் விட்ட இடத்தை பிடிக்க வேண்டும் என்ற முனைப்புடன் இருந்த சிம்புவுக்கு இப்படம் கைகொடுத்தது. மேலும் 100 கோடி வசூல் சாதனையையும் படைத்தது .
தற்போது சிம்பு பல படங்களில் பிசியாக நடித்து வருகிறார். இதைத் தொடர்ந்து சிம்புவின் 50-வது திரைப்படத்தை யார் இயக்கப் போகிறார்கள் என்ற எதிர்பார்ப்பு ரசிகர்களிடையே ஏற்படுத்தியது. இந்நிலையில் இறுதிச்சுற்று மற்றும் சூரரைப்போற்று போன்ற வெற்றிப் படங்களை இயக்கிய இயக்குனர் சுதா கொங்கரா இயக்கத்தில் சிம்பு நடிக்கயிருக்கிறாராம். மேலும் சுதா கொங்காரா இயக்கிய சூரரைப் போற்று திரைப்படம் 5 தேசிய விருதுகளை பெற்று பாராட்டுகளை குவித்து வருகின்றது.
இந்த நிலையில் நடிகர் சிம்பு சுதா கொங்கராவுடன் இணைய உள்ளதாக தகவல் வெளியானது. ஆனால் இது குறித்து அதிகாரப்பூர்வ தகவல் இதுவரை வெளியாகவில்லை. ஆனால் இந்த வருட இறுதியில் படப்பிடிப்பு தொடங்கும் என கூறப்பட்டு வருகின்றது. மேலும் சூரரைப் போற்று இந்தி ரீமேக் திரைப்படத்தை சுதா கொங்காரா இயக்கி முடித்தவுடன் சிம்பு திரைப்படத்தை இயக்க இருப்பதாகவும் கூறப்படுகின்றது குறிப்பிடத்தக்கது.