உக்ரைனின் எல்லை பதற்றம் காரணமாக ரஷ்யாவில் உள்ள அமெரிக்கர்கள் அனைவரையும் நாட்டை விட்டு வெளியேறுமாறு அமெரிக்க தூதரகம் அறிவுறுத்தியுள்ளது.
உக்ரைனுக்கும் அதன் அண்டை நாடான ரஷ்யாவுக்கும் நீண்ட காலமாகவே மோதல் ஏற்பட்டு வருகிறது. நோட்டா அமைப்பில் உக்ரைனை சேர்த்து விடக் கூடாது என்று ரஷ்யா கோரிக்கை விடுத்திருந்தது. இந்த கோரிக்கையை அமெரிக்கா மற்றும் நோட்டா அமைப்புகள் நிராகரித்து விட்டதால் இரு நாடுகளுக்கும் இடையிலான மோதல் தற்போது உச்சமடைந்து உள்ளது.இந்த நிலையில் ரஷ்யா தனது போர்ப் படைகளை உக்ரைன் எல்லைக்குள் குவித்துள்ளது. இதனால் ரஷ்யா உக்ரைன் மீது எந்த நேரத்திலும் படம் எடுக்கலாம் என அச்சம் ஏற்பட்டுள்ளது.
அமெரிக்கா ஆரம்பத்திலேயே உக்கிரன் மீது படையெடுப்பதற்காக தான் ரஷ்யா எல்லைகளில் படைகளை குவித்துள்ளதாக எச்சரித்து வருகிறது. இதனையடுத்து ரஷ்யாவுக்கு எதிராக உலக நாடுகளை அணி திரட்டும் முயற்சியில் அமெரிக்கா தீவிரமாக ஈடுபட்டு வருகிறது. இதனை தொடர்ந்து ரஷ்யா உக்ரைன் மீது குண்டு வீச்சுயுடன் எந்த நேரத்திலும் படை எடுக்கலாம் என்பதால் உக்ரைனில் வசிக்கும் அனைவரையும் அங்கிருந்து வெளியேறுமாறு அமெரிக்கா மற்றும் 15-க்கு மேற்பட்ட மேற்கத்திய நாடுகள் தங்கள் நாட்டு குடிமக்களை அறிவுறுத்தினார்.
மேலும் ஒரு சில நாடுகள் உக்ரைனில் உள்ள தங்கள் தூதரகத்தை உடனடியாக காலி செய்தனர். ரஷ்யா தலைநகர் மாஸ்கோவில் உள்ள அமெரிக்க தூதரகம் உக்ரைனுடனான எல்லை பதற்றத்தை சுட்டிக்காட்டி ரஷ்யாவில் இருக்கும் அமெரிக்கர்கள் அனைவரையும் நாட்டை விட்டு வெளியேறுமாறு அறிவித்துள்ளது. இது தொடர்பாக அமெரிக்க தூதரகம் அறிக்கை வெளியிட்டுள்ளது. அந்த அறிக்கையில் “ஊடக ஆதாரங்களின்படி, செயின்ட் பீட்டர்ஸ்பர்க் மற்றும் மாஸ்கோ உள்ளிட்ட முக்கிய நகர்ப்புறங்களில் வணிக வளாகங்கள், மெட்ரோ நிலையங்கள், பொதுமக்கள் கூடும் இடங்கள், ரயில் மற்றும் ரஷ்ய எல்லையில் பதற்றம் அதிகரித்து பகுதிகளில் தாக்குதல் அச்சுறுத்தல்கள் உள்ளன. இதனால் அமெரிக்க குடிமக்கள் தனிப்பட்ட வெளியேறும் திட்டங்களை உருவாக்குமாறு அறிவுறுத்தப்படுகிறார்கள். உங்கள் தனிப்பட்ட பாதுகாப்பு திட்டங்களை மதிப்பாய்வு செய்யவும் மேலும் அமெரிக்க அரசாங்கம் உதவியை நம்பாமல் வெளியேறும் திட்டங்களை வைத்திருக்கிறார்கள்” என்று கூறப்பட்டுள்ளது.