தமிழ் சினிமாவில் லேடி சூப்பர்ஸ்டாராக வலம் வருபவர் நயன்தாரா. இவர் இயக்குனர் விக்னேஷ் சிவனை காதலித்து கடந்த ஜூன் 9ஆம் தேதி மாமல்லபுரத்தில் திருமணம் செய்து கொண்டார். முழு திருமண நிகழ்ச்சியும் வீடியோவில் பதிவு செய்து ஓடிடி தளத்துக்கு விற்று இருப்பதாக ஏற்கனவே பேசப்பட்டது. ஆனால் ஓடிடியில் வர இருப்பது திருமண வீடியோ இல்லை என்றும் நயன்தாரா வாழ்க்கை ஆவணப்படம் என்று தற்போது தகவல் வெளியாகி உள்ளது.
இந்த ஆவணப் படத்தில் நயன்தாராவின் சிறு வயது வாழ்க்கை முதல் முன்னணி கதாநாயகியாக உயர்ந்தது வரை உள்ள சம்பவங்களை தொகுத்து இருப்பதாக கூறப்படுகிறது. எப்படி இந்த இடத்துக்கு உயர்ந்தேன் என்று விளக்கும் நயன்தாராவின் பேட்டியும், அவர் படப்பிடிப்பில் பங்கேற்கும் பல விஷயங்களும் ஆவணப்படத்தில் இடம்பெறகிறது. நயன்தாரா குறித்து மற்றவர்கள் பேசும் பேட்டிகளும் இடம் பெறுகிறது. அதுமட்டுமில்லாமல் திருமண புகைப்படம் மற்றும் வீடியோவை ஆவணப்படத்தில் இணைத்து இருக்கிறார்கள். தற்போது இந்த ஆவணப்படத்தின் ட்ரெய்லர் வெளியாகி இருக்கிறது. இதில் நயன்தாரா தன்னை சாதாரண பெண் என்று கூறுகிறார்.