தமிழ் சினிமாவில் முன்னணி காமெடி நடிகராக வலம் வருபவர் வடிவேலு. இவரின் காமெடிக்கு ஒரு ரசிகர் பட்டாளமே உள்ளது. இவர் தற்போது இயக்குனர் சுராஜ் இயக்கத்தில் தயாராகி வரும் ‘நாய் சேகர் ரிட்டன்ஸ்’ படத்தில் நடித்து வருகிறார். இதில் வடிவேலு கதாநாயகனாக நடிக்கிறார்.இவருடன் சிவாங்கி, ரெடின் கிங்ஸலி, ஆனந்தராஜ், விக்னேஷ் காந்த், லொள்ளு சபாசேஷூ உள்ளிட்ட பலர் நடிக்கிறார்கள். லைகா ப்ரொடக்ஷன் சார்பில் தயாரிப்பாளர் சுபாஷ் கரன் தயாரிக்கும் இந்த படத்துக்கு சந்தோஷ் நாராயணன் இசை அமைக்கிறார்.
மேலும் வடிவேலு மாரி செல்வராஜ் இயக்கத்தில் “மாமன்னன்” மற்றும் ராகவா லாரன்ஸ் நடிக்கும் சந்திரமுகி-2 ஆகிய படங்களில் நடித்து வருகிறார். இந்நிலையில் வடிவேல் பிறந்த நாளான நேற்று சிறப்பு போஸ்டரை பரிசளித்து படக்குழு ரசிகர்களை உற்சாகப்படுத்தியுள்ளது. மேலும் விரைவில் இப்படத்தின் அடுத்தடுத்த அப்டேடுகள் வெளியாகும் என்று எதிர்பார்க்கப்படுகிறது.
