சிறந்த டீம்..! ஆனா… பாகிஸ்தானுடன் இந்தியா மோதுவதை விரும்பவில்லை….. போட்டிக்கு முன் கேப்டன் பட்லர் அளித்த பேட்டி இதோ.!!

இந்திய அணிக்கு எதிரான அரையிறுதி போட்டிக்கு முன்னதாக இங்கிலாந்து கேப்டன் ஜோஸ் பட்லர் பேட்டியளித்துள்ளார்.

டி20 உலகக் கோப்பையின் இரண்டாவது அரையிறுதியில் ஜோஸ் பட்லர் தலைமையிலான இங்கிலாந்து அணி மற்றும் ரோஹித் சர்மா தலைமையிலான இந்திய அணி இன்று (வியாழன்) அடிலெய்டு ஓவல் மைதானத்தில் மோதுகிறது. இந்திய நேரப்படி மதியம் 1:30 மணிக்கு நடைபெறும் இந்த ஆட்டத்தில் வெற்றி பெறும் அணி, முதல் அரையிறுதியில் நியூசிலாந்தை வீழ்த்தி இறுதி போட்டியில் நுழைந்துள்ள பாகிஸ்தான் அணியுடன் மோதும். இதற்கிடையே இந்தியா –  பாகிஸ்தான் இறுதிப் போட்டியில் மோதும் என்று ரசிகர்கள் தங்களது கருத்துக்களை சமூக வலைதளங்களில் கூறி வருகின்றனர்.

 

இந்நிலையில் இங்கிலாந்து கேப்டன் ஜோஸ் பட்லர் அளித்த பேட்டியில், “நாங்கள் விரும்பிய நிலைக்கு வந்துவிட்டோம். அனைவரும் அரையிறுதியில் விளையாடுவதில் ஆர்வமாக உள்ளனர். ஒரு சிறந்த இந்திய அணிக்கு எதிரான போட்டியில் நாங்கள் மிகவும் உற்சாகமாக இருக்கிறோம். அத்தகைய சூழ்நிலையில் இருக்க நாங்கள் விரும்புகிறோம். இந்தியா-பாகிஸ்தான் இடையே டி20 உலகக் கோப்பை இறுதிப் போட்டி நடைபெறாமல் இருக்க தன்னால் முடிந்த அனைத்தையும் செய்வேன், நாங்கள் நிச்சயமாக இந்தியா – பாகிஸ்தான் இறுதிப் போட்டியைப் பார்க்க விரும்பவில்லை. இந்தியா மிகவும் வலிமையான அணி. இந்திய அணி  மிக நீண்ட காலமாகவே நிலையாக உள்ளன. இயற்கையாகவே, அவர்கள் நல்ல திறமையானவர்கள். அவர்களின் வரிசையில் அற்புதமான வீரர்கள் உள்ளனர் என்றார்.. அதாவது இந்தியாவை வீழ்த்துவோம் என சூசகமாக கூறியுள்ளார் பட்லர்..

சூர்யகுமார் பற்றி ஜோஸ் பட்லர் பேசியதாவது :

சூர்யகுமார் யாதவை பற்றி பேசுகையில், சூர்யகுமார் யாதவ் தற்போது நடைபெற்று வரும் போட்டியில் சிறந்த ஸ்டிரைக் ரேட்டில் மூன்று அரை சதங்களைப் பதிவு செய்திருப்பதால், சிறப்பான ஆட்டத்தை வெளிப்படுத்தி வருகிறார். அவர் திறமையான வீரர். அவர் இதுவரை நடந்த போட்டியின் சிறந்த பேட்டராக திகழ்கிறார். அவர் கிரிக்கெட்டில் விளையாடும் சுதந்திரத்தின் அளவு அவரது மிகப்பெரிய பலமாகத் தெரிகிறது.

அவர் அனைத்து விதமான ஷாட்களையும்ஆடுகிறார், அவர் நிறைய ஷாட்களைக் கொண்ட ஒரு பேட்டர். ஆனால் அவர் வெளியேற்றப்படலாம், அதைச் செய்ய அணி தீவிரமாக இருக்கும்.. உலகில் எந்த ஒரு பேட்டரைப் பொறுத்த வரையில், விக்கெட்டை எடுப்பதற்கு ஒரே ஒரு வாய்ப்பு மட்டுமே தேவை. சூர்யகுமாரை வெளியேற்ற உங்களுக்கு ஒரு பந்து தேவை, அதற்கான வழியை நாம் தீவிரமாகக் கண்டுபிடிக்க வேண்டும். அதைச் செய்ய நாங்கள் ஆசைப்படுவோம் என்றார்..

தங்களது அணியின் காயம் குறித்து பேசியது :

முக்கிய இங்கிலாந்து வீரர்கள் டேவிட் மலான் மற்றும் மார்க் வுட் ஆகியோரின் உடற்தகுதி பற்றிய செய்திகளையும் பட்லர் பகிர்ந்துள்ளார், அவர்கள் இன்னும் குணமடையவில்லை என்றும், விளையாடும் பதினொன்றில் இடம் பெறுவது சந்தேகம் என்றும் கூறினார். மலானுக்கு பதிலாக பில் சால்ட் ஒரு சாத்தியமான மாற்றாக இருப்பதையும் அவர் சுட்டிக் காட்டினார்.

“மாலன் மற்றும் வூட் இருவருமே ஆடுவது சந்தேகம் தான். ஆனால் போட்டி நாளில் (இன்று) அவர்கள் எப்படி இருக்கிறார்கள் என்று பார்ப்போம். அவர்கள் குணமடைய முழு நேரத்தையும் கொடுப்போம். நாளை (இன்று) மீண்டும் அவர்களை சோதித்து, மலான் & வூட் இருவரும் முழுமையாக குணமடைந்துவிட்டார்களா என்று பார்ப்போம். அதன்படி, அவர்களை விளையாடும் லெவன் அணியில் சேர்ப்பது குறித்து நாங்கள் அழைப்போம் என்றார்..

தொடர்ந்து எங்கள் மருத்துவக் குழுவை நாங்கள் நம்புகிறோம். எங்கள் அணியில் உள்ள ஒவ்வொரு வீரர்கள் மீதும் முழு நம்பிக்கை உள்ளது. பாகிஸ்தான் சுற்றுப்பயணத்திற்கு திரும்பிய நாங்கள் நிறைய இளம் வீரர்களுக்கு வாய்ப்பு கொடுத்தோம், அவர்கள் சிறப்பாக செயல்பட்டனர். ஃபில் சால்ட் ஒரு அற்புதமான மனநிலையைக் கொண்டவர், குறிப்பாக டி20 போட்டிகளுக்கு அவர் சிறப்பாக செயல்படக்கூடியவர் என்றார்..

யுஸ்வேந்திர சாஹல் பற்றி பட்லர் பேசியது :

உலகக் கோப்பையில் யுஸ்வேந்திர சாஹல் ஒரு எந்த ஆட்டத்திலும் இடம்பிடிக்காதது ஆச்சரியமாக இருக்கிறதா என்று கேட்டபோது, ​​பட்லர் கூறியதாவது: டி20 கிரிக்கெட்டில் மிடில் ஓவர்களில் விக்கெட்டுகளை வீழ்த்துவதன் மூலம் சுழற்பந்து வீச்சாளர்கள் பெரும் பங்கு வகிக்கிறார்கள் என்று நினைக்கிறேன். விக்கெட்டுகளை வீழ்த்துவது ரன்களின் ஓட்டத்தைத் தடுக்கிறது. சாஹல் ஒரு சிறந்த பந்துவீச்சாளர், ஐபிஎல் போட்டியில் நான்  அவருடன் விளையாடுவதை மிகவும் ரசித்துள்ளேன். அவர் ஒரு சிறந்த பந்துவீச்சாளர், அவர் விக்கெட்டுகளை வீழ்த்தகூடியவர். அவர் விளையாட அழைக்கப்பட்டால், அவர் ஒரு சிறந்த பந்துவீச்சாளர் என்பதில் நான் உறுதியாக இருக்கிறேன். அவர் ஆட வந்தால் எங்களுக்கு சவாலாக இருக்கும் என்றார்.

புவனேஷ்வர் குமார் பற்றி பட்லர் கூறியதாவது :

புவனேஷ்வர் குமாரை எதிர்கொள்ள அவர் தயாராகி வருவது பற்றி பட்லர் கூறினார்: “அவர் (புவனேஷ்வர்) ஒரு நல்ல பந்து வீச்சாளர் ஆனால் நான் நிச்சயமாக அவரைப் பற்றி பயப்படவில்லை. “எனது சொந்த ஆட்டத்தில் நான் எப்போதும் நம்பிக்கையுடன் இருக்கிறேன். நீங்கள் எதிர்கொள்ள கடினமாக இருக்கும் பந்துவீச்சாளர்கள் இருப்பார்கள். அவர்களுக்கு எதிராக உங்களுக்கு நல்ல நேரம் அல்லது கெட்ட நேரங்கள் என இருக்கும். யாருக்கும் பயப்பட வேண்டிய அவசியம் கிடையாது. நான் எப்போதும் நன்றாக என்னை தயார் செய்கிறேன்” என்று கூறினார்.