சிறந்த சுற்றுலா வழிகாட்டிக்கான விருது காரைக்குடியைச் சேர்ந்த ஆசிரியருக்கு வழங்கப்பட்டிருக்கின்றது.
தமிழக சுற்றுலா துறை சார்பாக சிறந்த சுற்றுலா இயக்குனர்கள், சிறந்த சுற்றுலா வழிகாட்டிகள், சிறந்த தங்கும் விடுதிகள், சிறந்த விமான நிறுவனங்கள் உள்ளிட்ட 17 விருதுகளை அறிவித்தது. வருடந்தோறும் செப்டம்பர் 27ஆம் தேதி உலக சுற்றுலா தினமாக கொண்டாடப்பட்டு வருகின்றது. இதில் சிறந்த சுற்றுலா வழிகாட்டிக்கான விருதுக்கு மொத்தம் ஐந்து பேர் தேர்வு செய்யப்பட்டார்கள்.
காரைக்குடியைச் சேர்ந்த பள்ளி ஆசிரியர் மணிகண்டன் என்பவருக்கு சுற்றுலாத்துறை அமைச்சர் மதிவேந்தன் விருதை வழங்கினார். விருது பெற்ற ஆசிரியர் மணிகண்டன் சுற்றுலாத்துறையில் பிரெஞ்சு மொழி பேசும் வழிகாட்டியாகவும் அழகப்பா பல்கலைக்கழகத்தில் பிரெஞ்சு மொழி கற்பிக்கும் கௌரவ விரிவுரையாளராகவும் செட்டிநாடு பப்ளிக் பள்ளியில் பிரெஞ்சு மொழி பேசும் ஆசிரியராகவும் பணியாற்றி வருகின்றார் குறிப்பிடத்தக்கது.