தமிழ் சினிமாவில் முன்னணி நடிகராக வலம் வருபவர் விக்ரம். இவர் தனக்கென்று ரசிகர் பட்டாளத்தையை உருவாக்கி உள்ளார். இவர் அஜய் ஞானமுத்து இயக்கத்தில் ‘கோப்ரா’ படத்தில் நடித்து முடித்துள்ளார். இந்த படத்தின் கதாநாயகியாக ஸ்ரீநிதி செட்டிநடித்துள்ளார். மேலும் இந்த படத்தில் கிரிக்கெட் வீரர் இர்ஃபான் பதான், கே.எஸ்.ரவிக்குமார், ஆனந்தராஜ், ரோபோ சங்கர், மீனாட்சி கோவிந்தராஜன், மிருணாளினி ரவி, ரோஷன் மேத்யூ ஆகியோர் முக்கிய கதாபாத்திரத்தில் நடித்துள்ளனர். அதனை தொடர்ந்து ஏ.ஆர். ரகுமான் இசையமைத்திருக்கிறார். இந்நிலையில் கோப்ரா படம் விநாயகர் சதுர்த்தி தினமான இன்று தமிழ், தெலுங்கு, மலையாளம், கன்னட ஆகிய நான்கு மொழிகளில் ரிலீஸ் ஆகி உள்ளது. இந்த படத்தை தமிழகம் முழுவதும் உதயநிதி ஹெட் ஏஜென்ட் மூவிஸ் நிறுவனம் வெளியிட்டுள்ளது. இன்று அதிகாலை 5 மணிக்கு கோப்ரா படத்தின் FDFS பார்த்த ரசிகர்கள் படம் பற்றிய கமெண்ட்களை இணையதளத்தில் குவித்து வருகின்றனர்.
அதன்படி கோப்ரா படம் கணித ஆசிரியரான விக்ரம் தேடப்படும் குற்றவாளியாக இருக்கிறார். அவர் யார்? எதற்காக அவரை போலீஸ் தேடுககின்றனர் என்ற கேள்விக்கு பதில் தேடும் விதமாக சைக்காலஜிக்கல் த்ரில்லராக உருவாக்கி உள்ளது. மொத்த படத்தையும் விக்ரம் தாங்கியுள்ளதாகவும், இர்பான் பதான் தனக்கு கொடுத்த கதாபாத்திரத்தை கச்சிதமாக செய்துள்ளதாக ரசிகர்கள் கமெண்ட் செய்து வருகிறார்கள். சியான் விக்ரம் பல கெட்டப்கள் மூலம் மாசான கம்பேக் கொடுத்துள்ளார். இதனையடுத்து அஜய் ஞானமுத்து டிமான்டி காலனி, இமைக்கா நொடிகள் படங்கள் போல விறுவிறுப்பான திரைக்கதை மூலம் படத்தை நகர்த்த்தியுள்ளார். நீண்ட இடைவேளைக்கு பிறகு ஏ.ஆர்.ரகுமான் இசை வேற லெவல் இருப்பதாக ரசிகர் கருத்து தெரிவித்துள்ளனர். மேலும் 3 மணி நேரம் ஓடும் படத்தின் நீளம் மட்டுமே “கோப்ரா” படத்தின் மைனஸ் ஆக பேசப்படுவது குறிப்பிடத்தக்கது.