சிபி சத்யராஜ் நடிப்பில் உருவாகியுள்ள வட்டம் திரைப்படம் குறித்து அப்டேட் வெளியாகியுள்ளது.
தமிழ் சினிமா உலகில் பிரபல நடிகராக வலம் வருகின்றார் சிபி சத்யராஜ். இவர் நடிகர் சத்யராஜின் மகன் ஆவார். நடிகர் சிபி சத்யராஜ் நடிப்பில் அண்மையில் வெளியான மயோன் திரைப்படம் ரசிகர்களிடையே நல்ல வரவேற்பை பெற்றது. தற்பொழுது இவர் வட்டம் என்ற திரைப்படத்தில் நடித்துள்ளார். இத்திரைப்படத்தை இயக்குனர் கமலக்கண்ணன் இயக்குகின்றார். மேலும் படத்திற்கு நிவாஸ் கே.பிரசன்னா இசையமைக்கிறார்.
இத்திரைப்படத்தில் ஆண்ட்ரியா, அதுல்யா ரவி உள்ளிட்டோர் முக்கிய வேடத்தில் நடித்திருக்கின்றார்கள். அண்மையில் படத்தின் பர்ஸ்ட் லுக் வெளியாகி ரசிகர்களிடையே நல்ல வரவேற்பை பெற்றது. ட்ரீம் வாரியார் பிக்சர்ஸ் தயாரிப்பில் உருவாகும் இத்திரைப்படம் நேரடியாக டிஸ்னி+ஹாட்ஸ்டாரில் வெளியாக உள்ள நிலையில் படத்தின் ஃபர்ஸ்ட் சிங்கிள் இன்று மாலை 5 மணிக்கு வெளியாகி உள்ளது.