நடிகர் ரஜினிகாந்த் நடிப்பில் டிரைக்டர் பி.வாசு இயக்கத்தில் வெளியாகி சூப்பர்ஹிட் ஆன படம் சந்திரமுகி. இப்படத்தின் 2ஆம் பாகத்தை எடுக்க சில வருடங்களாகவே வாசு முயற்சித்து வந்தார். இதையடுத்து 17 வருடங்களுக்கு பின், இப்படத்தின் அதிகாரப்பூர்வ அறிவிப்பு அண்மையில் வெளியாகியது. இந்த படம் “சந்திரமுகி 2” எனும் பெயரில் பிரமாண்டமாக உருவாகிறது. பி.வாசு இயக்கும் இந்த படத்தில் ராகவா லாரன்ஸ் நாயகனாக நடிக்கிறார். அத்துடன் முக்கியமான கதாபாத்திரத்தில் வடிவேலு நடிக்கிறார்.
லைகா நிறுவனம் இப்படத்தை தயாரிக்க இருக்கிறது. இத்திரைப்படத்திற்கு எம்.எம் கீரவாணி இசையமைக்கிறார். இப்படத்தின் படப்பிடிப்பு மும்முரமாக நடந்து வருகிறது. சந்திரமுகி முதல் பாகத்தில் நடிகை ஜோதிகாவின் கதாபாத்திரமானது ரசிகர்கள் மத்தியில் பெரும் வரவேற்பை பெற்றது. “சந்திரமுகி 2”-ல் ஜோதிகா கதாபாத்திரத்தில் நடிக்கப்போவது யார்.? என்ற கேள்வி ரசிகர்கள் மத்தியில் எழுந்து வந்தது. இந்த நிலையில் முன்னனி பாலிவுட் நடிகை கங்கனாரனாவத் இக்கதாபாத்திரத்தில் களமிறங்குவார் என்று தகவல் வெளியாகியுள்ளது.