சந்திரமுகி 2 திரைப்படத்தில் கதாநாயகியாக லட்சுமி மேனன் நடிக்க இருப்பதாக தகவல் வெளியாகியுள்ளது.
ரஜினிகாந்த் நடிப்பில் பி.வாசு இயக்கத்தில் வெளியாகிய சூப்பர்ஹிட் படம் சந்திரமுகி ஆகும். இப்படத்தின் 2ஆம் பாகத்தை எடுக்க சில வருடங்களாகவே வாசு முயற்சித்து வந்தார். எனினும் ரஜினி 2ஆம் பாகத்தில் நடிக்க விருப்பம் தெரிவிக்கவில்லை. இதன் காரணமாக 2ஆம் பாகத்தினை வேறு ஹீரோக்களை வைத்து எடுக்க முயற்சி செய்து வந்தார். இந்த நிலையில் சந்திரமுகி 2 ஆம் பாகத்தின் அதிகாரப்பூர்வமான அறிவிப்பு அண்மையில் வெளியானது.
பி.வாசு இயக்கக்கூடிய இத்திரைப்படத்தில் ராகவா லாரன்ஸ் கதாநாயகனாக நடிக்க இருக்கிறார். அத்துடன் லைகா நிறுவனம் இந்த படத்தினை தயாரிக்க இருக்கிறது. அண்மையில் சந்திரமுகி பாகம் 2-ன் போஸ்டரானது வெளியாகி இணையதளத்தில் வைரலானது. சிவாஜிகணேசன் புரொடக்ஷன்ஸ் நிறுவனம் வைத்து இருந்த டைட்டில் உரிமையை இப்போது லைகா நிறுவனம் வாங்கியுள்ளது குறிப்பிடத்தக்கது.
இந்த நிலையில் திரைப்படத்தில் நடிக்க பல நடிகைகளிடம் பேச்சு வார்த்தை நடந்து வந்த நிலையில் தற்போது லட்சுமி மேனன் படத்தில் கதாநாயகியாக நடிக்க இருப்பதாக சொல்லப்படுகின்றது. இவர் சினிமாவில் அறிமுகமான நேரத்தில் ரசிகர்களிடையே நல்ல வரவேற்பு பெற்று வலம் வந்த நிலையில் இடையில் சினிமாவில் இருந்து விலகி தற்பொழுது மீண்டும் புலிக்குத்தி பாண்டி திரைப்படத்தின் மூலம் ரே-என்ட்ரி கொடுத்தார். தற்பொழுது சந்திரமுகி-2 படத்தில் நடிக்க இருப்பதாக தகவல் வெளியாகி இருக்கின்றது. இத்திரைப்படத்தின் படபிடிப்பானது வரும் ஜூலை 15ஆம் தேதி தொடங்கும் என சொல்லப்படுகின்றது.