நயன்தாரா நடித்த கோலமாவு கோகிலா திரைப்படத்தை இந்தி ரீமேக்கில் ஸ்ரீதேவி மகள் ஜான்வி கபூர் நடிக்கிறார்.
லேடி சூப்பர் ஸ்டார் என்று அழைக்கப்படும் நயன்தாரா நடிப்பில் வெளியான திரைப்படம் கோலமாவு கோகிலா. இந்தத் திரைப்படத்தை நெல்சன் திலீப்குமார் இயக்க லைகா நிறுவனம் தயாரித்தது.
இந்நிலையில் இந்த படத்தை இந்தியில் ரீமேக் செய்கின்றனர். ரீமேக் செய்யும் இந்த படத்திற்கு “குட்லக் ஜெர்ரி” என பெயரிடப்பட்டுள்ளது. சித்தார்த் சென் குப்தா இயக்கும் இந்தப்படத்தை லைகா நிறுவனத்துடன் இணைந்து ஆனந்த் எல்.ராய் தயாரிக்கின்றார். இந்தப் படத்தில் நயன்தாரா நடித்த கதாபாத்திரத்தில் ஸ்ரீதேவியின் மூத்த மகள் ஜான்வி கபூர் நடிக்கிறார். இந்தப் படமானது கூடிய விரைவில் டிஸ்னி+ஹாட் ஸ்டார் ஓடிடியில் ரிலீசாக உள்ளது.