வரத்து அதிகரிப்பால் கோயம்பேடு மொத்த காய்கறி விற்பனை அங்காடிகளில் தக்காளி விலை குறைந்து வருகிறது.
வெளிமாநிலங்களில் இருந்து வரவேண்டிய தக்காளி லாரிகள் போதுமான அளவு கோயம்பேடு வர தொடங்கியுள்ளன. இதனால் மொத்த விலையில் 1 கிலோ தக்காளி 35 முதல் 40 ரூபாய்க்கு விற்கப்படுகிறது. சில்லரை விற்பனையில் 1 கிலோ தக்காளி 50 முதல் 60 ரூபாயாக குறைந்திருக்கிறது. சில்லறை விற்பனையில் 1 கிலோ தக்காளி 60 ரூபாய்க்கும் 1 கிலோ வெங்காயம் 40 ரூபாய்க்கும் விற்கப்படுகிறது.
சின்ன வெங்காயம் 1 கிலோ 65 ரூபாய்க்கு விற்பனையாகிறது. நேற்றைய விலையுடன் ஒப்பிடுகையில் கேரட், பீன்ஸ், அவரைக்காய் ஆகியவற்றின் விலை சற்றே குறைந்திருக்கிறது. நேற்று 70 ரூபாய்க்கு விற்பனையான 1 கிலோ கேரட் இன்று 60 ரூபாய்க்கும், நேற்று 60 ரூபாய்க்கு விற்பனையான 1 கிலோ பெண் இன்று 55 ரூபாய்க்கு விற்கப்பட்டு வருகிறது. அவரைக்காய் நேற்றை விட 10 ரூபாய் விலை குறைந்து 70 ரூபாய்க்கு விற்கப்படுகிறது.
உருளைக்கிழங்கு விலையில் மாற்றமின்றி 40 ரூபாய்க்கு விற்பனையாகிறது. நேற்று 35 ரூபாய்க்கு விற்பனையான 1 கிலோ பச்சைமிளகாய் இன்று 55 ரூபாயாக அதிகரித்திருக்கிறது. இதேபோல நாகர்கோவில் சந்தையிலும் தக்காளி வரத்து அதிகரித்திருப்பதால் விலை குறைந்துள்ளது. இன்று 1 கிலோ 40 ரூபாய்க்கு விற்கப்பட்டு வருகிறது. வரும் நாட்களில் மேலும் விலை குறையும் என்று வணிகர்கள் தெரிவித்துள்ளனர். தக்காளி விலை குறைந்து வருவதால் பொதுமக்கள் நிம்மதி அடைந்துள்ளனர்.