இயக்குனர் அஜய் ஞானமுத்து கோப்ரா படப்பிடிப்பில் எடுக்கப்பட்ட புகைப்படம் ஒன்றை தனது சமூக வலைதளப் பக்கத்தில் வெளியிட்டுள்ளார்.
தமிழ் திரையுலகில் நட்சத்திர நாயகனாக வலம் வரும் விக்ரம் நடிப்பில் உருவாகி வரும் திரைப்படம் கோப்ரா. இயக்குனர் அஜய் ஞானமுத்து இயக்கும் இந்த படத்தில் ஸ்ரீநிதி செட்டி கதாநாயகியாக நடித்துள்ளார். மேலும் இந்த படத்தில் கிரிக்கெட் வீரர் இர்பான் பதான், ஜான் விஜய், கே.எஸ்.ரவிக்குமார் உள்ளிட்ட பலர் முக்கிய கதாபாத்திரத்தில் நடித்துள்ளனர். இந்த படத்திற்கு ஏ.ஆர்.ரஹ்மான் இசையமைத்துள்ளார்.
‘கோப்ரா’ படத்தின் பர்ஸ்ட் லுக் போஸ்டர் மற்றும் டீசர் வெளியாகி ரசிகர்களை வெகுவாக கவர்ந்தது . இந்த படத்தில் நடிகர் விக்ரம் 8 வித்தியாசமான கெட்டப்புகளில் நடித்து வருகிறார். இந்நிலையில் இயக்குனர் அஜய் ஞானமுத்து கோப்ரா படப்பிடிப்பில் எடுக்கப்பட்ட புகைப்படம் ஒன்றை தனது சமூக வலைதளப் பக்கத்தில் வெளியிட்டுள்ளார். அந்த புகைப்படத்தில் விக்ரமின் கெட்டப்பை பார்த்து ரசிகர்கள் ஆச்சரியமடைந்துள்ளனர் .