தமிழகத்தில் கொளுத்தும் வெயிலுக்கு சென்னை வாசிகளுக்களை கூல் படுத்தும் தகவல் ஒன்றை சென்னை வானிலை ஆய்வு மையம் தெரிவித்துள்ளது.
தமிழக பகுதிகளின் மேல் நிலவும் வளிமண்டல கீழடுக்கு சுழற்சி மற்றும் வெப்ப சலனத்தின் காரணமாக, இன்று மற்றும் நாளை தமிழகத்தின் தெற்கு கடலோர மாவட்டங்கள் மற்றும் உள்தமிழக மாவட்டங்களில் ஓரிரு இடங்களில் இடி, மின்னலுடன் கூடிய லேசானது முதல் மிதமான மழை பெய்யக்கூடும்.
இதையடுத்து மே 4 மற்றும் மே 6 தமிழ்நாடு, புதுவை மற்றும் காரைக்கால் பகுதிகளில் ஒரு சில இடங்களில் இடி, மின்னலுடன் கூடிய லேசானது முதல் மிதமான மழை பெய்யக்கூடும்.
இதையடுத்து தமிழகத்தில் அடுத்த 2 நாட்களுக்கு ஓரிரு இடங்களில் அதிகபட்ச வெப்பநிலை இயல்பு நிலையிலிருந்து 2 – 3 டிகிரி செல்சியஸ் அதிகமாக இருக்கக்கூடும். இந்நிலையில் அடுத்த 48 மணி நேரத்திற்கு வானம் ஓரளவு மேகமூட்டத்தோடு காணப்படும். மேலும் அதிகபட்ச வெப்பநிலையாக 38 டிகிரி செல்சியஸ் மற்றும் குறைந்தபட்ச வெப்பநிலையாக 28 டிகிரி செல்சியஸை ஒட்டி இருக்கக்கூடும்.
இந்நிலையில் பெருந்துறை (ஈரோடு) 13, சோழவந்தான் (மதுரை) 6, பொள்ளாச்சி (கோவை) 4, மேட்டுப்பட்டி (மதுரை), பவானி (ஈரோடு) , ஓசூர் (கிருஷ்ணகிரி) , கேட்டி (நீலகிரி) , காஞ்சிபுரம், மேட்டூர் (சேலம்) தலா 3, ராயக்கோட்டை (கிருஷ்ணகிரி), சூளகிரி (கிருஷ்ணகிரி), சேந்தமங்கலம் (நாமக்கல்), வால்பாறை PTO (கோவை), அரக்கோணம் (ராணிப்பேட்டை), சின்னக்கல்லார் (கோவை), காவேரிப்பாக்கம் (ராணிப்பேட்டை) தலா 2, பரூர் (கிருஷ்ணகிரி, திண்டிவனம் (விழுப்புரம்), எட்டயபுரம் (தூத்துக்குடி), ஊத்துக்குளி (திருப்பூர்), குமாரபாளையம் (நாமக்கல்), தருமபுரி, கிருஷ்ணகிரி, கோபிசெட்டிபாளையம் (ஈரோடு), மாரண்டஹள்ளி (தர்மபுரி), வாடிப்பட்டி (மதுரை), திருவாலங்காடு (திருவள்ளூர்), சத்தியபாமா பல்கலை கழகம் (செங்கல்பட்டு), வேடசந்தூர் (திண்டுக்கல்), வெம்பாக்கம் (திருவண்ணாமலை) மத்திய கிழக்கு வங்க கடல், தென்கிழக்கு வங்க கடல் மற்றும் அந்தமான் கடல் பகுதிகளில் சூறாவளி காற்று மணிக்கு 40 முதல் 50 கிலோ மீட்டர் வேகத்திலும் இடையிடையே 60 கிலோ மீட்டர் வேகத்திலும் வீசக்கூடும்.
இதையடுத்து மே 6 ஆம் தேதி மத்திய கிழக்கு வங்க கடல், தென்கிழக்கு வங்க கடல் மற்றும் அந்தமான் கடல் பகுதிகளில் சூறாவளி காற்று மணிக்கு 50 முதல் 60 கிலோ மீட்டர் வேகத்தில் இடையிடையே 70 கிலோ மீட்டர் வேகத்திலும் வீசக்கூடும். இதனால் மேற்குறிப்பிட்ட நாளில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்தப்படுகிறார்கள். இவ்வாறு சென்னை வானிலை ஆய்வு மையம் தெரிவித்துள்ளது.