யாஷ் நடிப்பில் பிரசாந்த் நீல் இயக்கத்தில் உருவான கே ஜி எஃப் 2 திரைப்படத்திற்கு உலக அளவில் கிடைத்திருக்கும் வரவேற்பை கண்டு இந்திய சினிமா துறையை அசந்து போய் உள்ளது. அதனால் தயாரிப்பு நிறுவனமான ஹோம்பெல் நிறுவனம் மிகவும் பூரித்துள்ளது. இந்நிலையில் தனது அடுத்த படம் குறித்த அறிவிப்பை அந்நிறுவனம் வெளியிட்டுள்ளது. அதன்படி நேற்று வெளியிடப்பட்ட ட்விட்டர் பதிவில், சில உண்மை கதைகள் சரியாக சொல்லப்பட வேண்டியவை, இயக்குநர் சுதா கோங்கராவுடன் அடுத்த படத்தை தயாரிக்கப் போவதாக அறிவித்துள்ளது.
மேலும் எங்களின் எல்லா படங்களைப் போல இந்த கதையும் இந்தியாவின் கற்பனையை ஈர்க்கும் என்பதில் உறுதியாக உள்ளோம் என்றும் தெரிவித்துள்ளது. மாதவனின் இறுதிச் சுற்று, சூர்யாவின் சூரரை போற்று படங்களின் மூலம் ரசிகர்களிடம் சுதா கோங்கராவின் டிரைஷன் பெருமளவில் ஈர்க்கப்பட்டிருக்கிறது. தற்போது இந்தியில் அக்ஷய் குமாரை வைத்து சூரரைப் போற்று ரீமேக்கை இயக்கி வருகிறார். இதனிடையே ஹோம்பேல் நிறுவனம் கேஜிஎஃப் படங்களின் இயக்குநர் பிரசாந்த் நீல் இயக்கும் பிரபாஸின் சலார் படத்தை தயாரித்து வருவது குறிப்பிடத்தக்கது.