தமிழ் சினிமாவில் குடும்ப ஆடியன்சை கவர்ந்த இயக்குனர் கே எஸ் ரவிக்குமார் தான் இயக்கும் பெரும்பாலான படங்களில் ஒருசில காட்சிகளில் இவர் நடிப்பதை வழக்கமாக வைத்திருப்பார். அத்துடன் இவருடைய படங்கள் வணிக ரீதியாக மிகப் பெரிய வெற்றி பெறும். இந்த நிலையில் கமலின் தெனாலி படத்திற்குப் பின் 21 வருடங்கள் கழித்து கேஎஸ் ரவிக்குமார் ஒரு படத்தை தயாரித்துள்ளார். அதாவது மலையாளப் படமான ஆண்ட்ராய்டு குஞ்சப்பன் வெர்ஷன் 5.25 எனும் படத்தின் தமிழ் ரீமேக் உரிமையை கேஎஸ் ரவிக்குமார் பெற்றுள்ளார். இந்த படம் மலையாளத்தில் வெளியாகி மிகப் பெரிய வரவேற்பைப் பெற்றிருந்தது.
தமிழ் ரீமேக்கில் இந்த படத்திற்கு கூகுள் குட்டப்பன் என்று பெயரிடப்பட்டுள்ளது. இந்த படத்தில் தர்ஷன், லாஸ்லியா, யோகிபாபு போன்றோர் நடித்துள்ளனர். இப்படத்தில் முதியவர் போன்று கேஎஸ் ரவிக்குமார் நடித்துள்ளார். கேஎஸ் ரவிக்குமாரின் உதவி இயக்குனராக பணிபுரிந்த சரவணன் மற்றும் சபரி ஆகிய இருவரும் இப்படத்தை இயக்கியுள்ளனர். கூகுள்குட்டப்பன் படத்தின் டிரைலர் வெளியாகிய நிலையில், இப்படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது. கே எஸ் ரவிக்குமார் இயக்குனர் விக்ரமின் மகன் கனிஷ்காவை வைத்து ஒருபடத்தைத் தயாரிக்க உள்ளதாக கூறியுள்ளார். இதில் விக்ரமன் மற்றும் கேஎஸ் ரவிக்குமார் மிகவும் நெருங்கிய நண்பர்கள்.
தற்போது விக்ரமனின் மகனான கனிஷ்கா ஹீரோவாக அறிமுகமாகவுள்ளார். இதற்கிடையில் கனிஷ்கா தனக்கு ஏற்ற கதையை பல்வேறு இயக்குனர்களிடம் கேட்டு வருவதாக கூறப்படுகிறது. இந்த நிலையில் கேஎஸ் ரவிக்குமாரின் தயாரிப்பு நிறுவனம் வாயிலாக தனது முதல் படத்தை தொடங்க திட்டமிட்டுள்ளதாக கூறப்படுகிறது. இதற்கான அதிகாரப்பூர்வ தகவல் விரைவில் வெளியாகும் என்று எதிர்பார்க்கலாம். தமிழ் சினிமாவில் பிரபல இயக்குனர்களின் ஒருவராக விளங்குபவர் இயக்குனர் விக்ரமன். தமிழ் சினிமாவில் புது வசந்தம் வாயிலாக இயக்குனராக அறிமுகமாகி பல்வேறு வெற்றிப் படங்களை கொடுத்துள்ளார். இவருடைய இயக்கத்தில் வெளியான வானத்தைப்போல, பூவே உனக்காக, உன்னை நினைத்து போன்ற பல படங்கள் ரசிகர்களின் கவனத்தைப் பெற்றிருந்தது.