நடிகை பிரணிதாவுக்கு பெண் குழந்தை பிறந்துள்ளதாக அவர் தனது ட்விட்டர் பக்கத்தில் தெரிவித்துள்ளார். தமிழில் உதயன் என்ற படத்தின் மூலம் அறிமுகமானவர். இவர் கார்த்தியுடன் சகுனி, சூர்யாவுடன் மாஸ் என்ற படங்களில் நடித்து பிரபலமானவர். கடந்த ஆண்டு தொழில் அதிபர் நிதின் ராஜூவை திருமணம் செய்துகொண்டார். தற்போது இந்த தம்பதிக்கு அழகிய பெண் குழந்தை பிறந்துள்ளது. இதனை தனது ட்விட்டர் பக்கத்தில் பதிவிட்டுள்ள அவர் தனது குழந்தையுடன் இருக்கும் புகைப்படத்தை பகிர்ந்துள்ளார். இதைப்பார்த்த திரையுலகினர் பலரும் அவருக்கு வாழ்த்துக்களை தெரிவித்து வருகின்றனர்.
