2024 நாடாளுமன்ற தேர்தலில் அதிமுக தலைமையிலான கூட்டணியை பாஜக ஏற்கும் என்று அண்ணாமலை தெரிவித்துள்ளார்.
இதுகுறித்து தமிழக பாஜக தலைவர் அண்ணாமலை பேசியதாவது, 2024 தேர்தலில் அதிமுக தலைமையில் தான் கூட்டணி என்பதில் எந்த தவறும் இல்லை. பெரிய கட்சி என்கிற அடிப்படையில் கூட்டணிக்கு அதிமுக தலைமை ஏற்கலாம். அதிமுக தான் பெரிய கட்சி. அதிமுக கிட்டத்தட்ட தமிழகத்தின் உடைய மிகப்பெரிய கட்சி, பலம் வாய்ந்த கட்சி, தொடர்ந்து ஆட்சியில் பல காலங்களில் இருந்த ஒரு கட்சி. அதனால் இதில் குழப்பம் எதுவும் கிடையாது.
எடப்பாடி அண்ணன் சொன்ன கருத்தில் எந்த தவறும் இல்லை. 2021 தேர்தல் அதிமுக தலைமையில் தான் கூட்டணி நடந்தது. 2019 ல் அதிமுக தலைமையில் தான் இருந்தது. அதிமுக கூட்டணியில் தான் இருக்கிறோம், அதிமுக தலைமையில் தான் கூட்டணி என்பதில் எந்த குழப்பமும் இல்லை. அவர் சரியாக தான் சொல்கிறார்.
முன்னதாக அதிமுக தலைமையில் மெகா கூட்டணி என்று ஈபிஎஸ் கூறிய நிலையில், அதற்கு அண்ணாமலை ஆதரவு தெரிவித்துள்ளார்.