மிஸ்டர் பிரக்னண்ட் திரைப்படத்தின் கெட்டப்தான் அந்த கர்ப்பமாக இருக்கும் புகைப்படம் என நடிகை கஸ்தூரி கூறியுள்ளார்.
சர்ச்சை நாயகி என ரசிகர்களால் செல்லமாக அழைக்கப்படும் நடிகை கஸ்தூரி சினிமா, அரசியல், விளையாட்டு, சின்னத்திரை என எல்லா டாபிக்கையும் பேசி துணிச்சலுடன் தனது கருத்துக்களை பதிவிட்டும் விவாத நிகழ்ச்சிகளிலும் பங்கேற்று வருகின்றார். சமூக வலைதளங்களில் ஆக்டிவாக செயல்பட்டு வருகின்றார். அண்மையில் கர்ப்பமாக இருப்பது போல் உள்ள போட்டோவை பகிர்ந்துள்ளார்.
போட்டோவை பகிர்ந்து அவர் கூறியுள்ளதாவது, “புதிய தொடக்கம், இந்த செய்தியை உங்கள் அனைவரிடமும் பகிர்ந்துகொள்வது சந்தோஷம் என பதிவிட்டு #mrPREGNANT என குறிப்பிட்டுயிருந்தார். இதைப்பார்த்த ரசிகர்கள் கஸ்தூரி மீண்டும் கர்ப்பமா! என அதிர்ச்சி அடைந்தனர். மேலும் இது கண்டிப்பாக படத்தின் பிரமோஷனுக்காக தான் இருக்கும் என சிலர் கருத்துத் தெரிவித்தனர். ஆனால் இணையதளவாசிகள் இதை வைரல் டாபிக்காகி வில்லங்கமான கேள்விகளை கேட்டு வந்தனர். இவருக்கு கல்யாணம் ஆகி இரண்டு குழந்தைகள் இருப்பது குறிப்பிடத்தக்கது.
இந்நிலையில் நடிகை கஸ்தூரி தனது இன்ஸ்டாகிராம் பக்கத்தில் கூறியுள்ளதாவது, “மிஸ்டர் பிரக்னன்ட் என்ற திரைப்படத்தில் ஒரு முக்கிய வேடத்தில் நடிப்பதாகவும் அந்த வேடத்தின் கெட்டப் தான் இந்த கர்ப்பமாக இருக்கும் புகைப்படம் என்றும் ஏப்ரல் ஒன்று முட்டாள்கள் தினம் புகைப்படமாக அதை பயன்படுத்திக் கொண்டதாகவும் உண்மையில் நான் கர்ப்பம் இல்லை” என கூறியுள்ளார்.