லோகேஷ் கனகராஜ் இயக்கத்தில் கமல்ஹாசன், விஜய் சேதுபதி, பகத் பாஸில் போன்றோர் நடித்த படம் விக்ரம். இந்த படம் ஜூன் மூன்றாம் தேதி தியேட்டர்களில் ரிலீஸ் ஆகியுள்ளது. இந்த படம் கமல் ரசிகர்களுக்கு மட்டுமல்லாமல் அனைத்து தரப்பு ரசிகர்களுக்கும் மிகவும் பிடித்துப்போனது. விக்ரம் படம் ரிலீசான மூன்றே நாட்களில் உலக அளவில் ரூபாய் 150 கோடி வசூல் செய்துள்ளது. மேலும் கேரளா, கர்நாடகா மாநிலங்களிலும் விக்ரம் ரசிகர்கள் கொண்டாடி வருகிறார்கள். இந்த நிலையில்தான் சில சுவாரசியமான விஷயங்கள் தெரிய வந்து கொண்டிருக்கின்றது.
விக்ரம் படத்திற்கு ஹைதராபாத்தை சேர்ந்த கமல் ரசிகர் ஒருவர் டிக்கெட் வாங்கி உள்ளார். அவர் மட்டும் அல்ல ரசிகர்கள் பலரும் விக்ரம் படத்திற்கு நிறைய டிக்கெட்கள் வாங்குகின்றனர். ஒருமுறை படம் பார்த்தால் பத்தல என்று கூறி மீண்டும் தியேட்டருக்கு செல்கின்றனர். மேலும் படம் ரிலீஸான அன்று முதல் தொடர்ந்து மூன்று நாட்களும் தியேட்டருக்கு சென்ற ரசிகர்கள், ரசிகைகள் இருக்கின்றார்கள். அப்படியும் பத்தல பத்தல என்று சொல்லி இந்த வார இறுதியிலும் தியேட்டருக்கு சென்று விக்ரம் படம் பார்க்க திட்டமிட்டு இருக்கிறார்கள்.
மேலும் விக்ரம் திரைப்படத்தை பலரும் பாராட்டுவதை பார்த்தும் மக்கள் தியேட்டருக்கு கிளம்பிச் செல்கின்றனர். இது போதாது என்று என் நண்பர்களுக்கு இடையில் போட்டி வேறு. விக்ரம் படத்தை யார் அதிக முறை பார்ப்பது எனவும் நண்பன் இரண்டு முறை பார்த்தால் நான் ஆறு முறை பார்க்க போகிறேன் என ரசிகர் ஒருவர் கூறியுள்ளார். இப்படி மக்கள் போட்டி போட்டுக்கொண்டு தியேட்டர்களுக்கு செல்வதால் விக்ரம்படம் மேலும் பல கோடி வசூல் செய்யும் என்பதில் எந்தவிதமான சந்தேகமும் இல்லை.