யானை திரைப்படத்தின் வெற்றியை கொண்டாடும் விதமாக அருண் விஜய் மற்றும் படக்குழுவினர் கேக் வெட்டி கொண்டாடியுள்ளனர்.
தமிழ் சினிமாவின் பிரபல முன்னணி நடிகராக வலம் வருபவர் அருண் விஜய். இவர் நடிப்பில் கடைசியாக ‘ஓ மை டாக்’ திரைப்படம் நேரடியாக OTT யில் வெளியானது. இதனையடுத்து, இவர் நடிப்பில் அடுத்தடுத்து அக்னிச்சிறகுகள், சீனம், பாக்ஸர் போன்ற திரைப்படங்கள் ரிலீசாக உள்ளன. இயக்குனர் ஹரி இயக்கத்தில் இவர் நடிப்பில் உருவாகியுள்ள திரைப்படம் ”யானை”.
இந்த படத்தில் ராதிகா சரத்குமார், பிரியா பவானி சங்கர், சமுத்திரக்கனி மற்றும் பலர் முக்கிய கதாபாத்திரத்தில் நடித்துள்ளனர். ஜீ.வி பிரகாஷ் இசையமைத்துள்ளார். ஆக்சன் திரைப்படமாக உருவாகியுள்ள இத்திரைப்படத்தின் ட்ரெய்லர் வெளியாகி நல்ல வரவேற்பை பெற்ற நிலையில் படம் உலகம் முழுவதும் 1500 தியேட்டரில் வெளியாகி ரசிகர்கள் இடையே நல்ல வரவேற்பை பெற்றுள்ளது.
இத்திரைப்படம் நல்ல கமர்சியல் கம்பேக் திரைப்படமாக இயக்குனர் ஹரிக்கு அமைந்திருக்கின்றது. இதனால் இந்த வெற்றியை ரசிகர்களுடன் இணைந்து படக்குழுவினர் கொண்டாடி வருகின்றார்கள். மேலும் படத்தின் மாபெரும் வெற்றியே அருண் விஜய் மற்றும் பட குழுவினர் கேக் வெட்டி கொண்டாடி இருக்கின்றனர். இதன் புகைப்படங்கள் தற்பொழுது சமூக வலைதளங்களில் வெளியாகியுள்ளது.