விஜய் நடிப்பில் வெளியாக உள்ள பீஸ்ட் படத்தின் கதை கசிந்துள்ள செய்தி ரசிகர்களுக்கு பெரும் அதிர்ச்சியை ஏற்படுத்தியுள்ளது.
சன் பிக்சர்ஸ் தயாரிப்பில் விஜய் நடித்த படம் பீஸ்ட். இந்த படத்தின் டிரைலர் சமீபத்தில் வெளியாகி நல்ல வரவேற்பை பெற்றிருந்தது. நடிகர் விஜய் நடித்துள்ள பீஸ்ட் திரைப்படம் தமிழ், தெலுங்கு, ஹிந்தி, கன்னடம், மலையாளம் ஆகிய 5 மொழிகளில் வருகிற 13-ஆம் தேதி அன்று வெளியாக உள்ளது. இந்நிலையில் நேற்று இந்த படத்தின் இந்தி டிரைலர் வெளியானது. இந்தி டிரெய்லரை பகிர்ந்த நடிகர் வருண் தவான், இந்தி டிரெய்லரை வெளியிடுவதில் மகிழ்ச்சி அடைகிறேன்.
நான் எப்பொழுதும் விஜய் சாரின் பெரிய ரசிகன் என கூறியிருந்தார். இந்த நிலையில் அமெரிக்காவைச் சேர்ந்த கேலக்ஸி திரையரங்கம் பீஸ்ட் பட கதையை பகிர்ந்து இருக்கிறது. அதில் நகரின் பரபரப்பான பகுதியை சர்வதேச பயங்கரவாதிகள் தங்கள் கட்டுப்பாட்டிற்குள் கொண்டு வருகிறார்கள். பயங்கரவாத அமைப்பின் தலைவரை விடுவிக்க கோரி இந்திய அரசிற்கு மிரட்டல் விடுக்கின்றனர். பயங்கரவாதிகளை பிடிக்க அமைக்கப்பட்ட தனி பிரிவின் தலைவருக்கு, பயங்கரவாதிகளால் சிறைபிடிக்கப்பட்ட பகுதியில்ரா உளவு அமைப்பின் முன்னாள் அதிகாரி இருப்பது தெரியவருகிறது.
இதனையடுத்து பயங்கரவாதிகளால் சிறைபிடிக்கப்பட்டவர்களை மீட்க, அவரது உதவியை நாடி வருகின்றனர். அந்த முன்னாள் அதிகாரி பயங்கரவாதிகளுக்கு எதிராக செயல்பட தொடங்கியுள்ளார். அதன் ஒரு பகுதியாக பயங்கரவாத அமைப்பின் தலைவரை அரசு விடுவிக்க சம்மதம் தெரிவிக்கிறது. இந்த நிலையில் முன்னாள் உளவு அதிகாரி புத்திசாலித்தனமாக செயல்பட்டு பயங்கரவாதிகளிடமிருந்து சிறைபிடிக்கப்பட்டவர்களை மீட்டு பயங்கரவாதிகளை ஒழித்து கட்டுகிறார் என அதில் குறிப்பிடப்பட்டுள்ளது. இந்த சம்பவம் ரசிகர்கள் மத்தியில் பெரும் அதிர்ச்சியை ஏற்படுத்தி இருக்கிறது.