மறைந்த நடிகர் சந்திரஹாசன் நடிப்பில் உருவாகியுள்ள அப்பத்தாவ ஆட்டைய போட்டுட்டாங்க படம் நேரடியாக ஓடிடியில் ரிலீஸாக உள்ளது.
தமிழ் திரையுலகில் முன்னணி நடிகராக வலம் வரும் கமல்ஹாசனின் அண்ணன் சந்திரஹாசன் கடந்த 2017-ஆம் ஆண்டு மாரடைப்பால் உயிரிழந்தார். அவர் இறப்பதற்கு முன் ‘அப்பத்தாவ ஆட்டைய போட்டுட்டாங்க’ என்ற படத்தில் முதன்மை கதாபாத்திரத்தில் நடித்திருந்தார். இந்நிலையில் இந்த படம் நேரடியாக ஓடிடியில் ரிலீஸாக இருப்பதாக நடிகர் கமல்ஹாசன் தனது டுவிட்டர் பக்கத்தில் தெரிவித்துள்ளார்.
திரைப்படத்தின் டிரெய்லர்: (2/2)https://t.co/PgOPiNyzwo
— Kamal Haasan (@ikamalhaasan) October 5, 2021
அதில் ‘என் திறமையை வெளிப்படுத்தும் பேரார்வத்தில் தன்திறமையை திரையில் காட்டாமலே போய்விட்டவர் சந்திரஹாசன். அவர் நடித்த கடைசி படம் ‘அப்பத்தாவ ஆட்டைய போட்டுட்டாங்க’ அக்டோபர் 8-ம் தேதி சோனி லைவ்வில் வெளியாகிறது. என்னை வாழ்த்தியவரை வணங்க கடமைப்பட்டுள்ளேன் ‘ஐயா..அப்பா..உங்கள் படம் 8-ம் தேதி’ என பதிவிட்டுள்ளார். மேலும் அப்பத்தாவ ஆட்டைய போட்டுட்டாங்க படத்தின் டிரைலரையும் வெளியிட்டுள்ளார். தற்போது இந்த டிரைலர் ரசிகர்களை வெகுவாக கவர்ந்து வருகிறது.