கேஸ் சிலிண்டர்கள் வாங்க விருப்புவோருக்கு ஒரு நல்ல செய்தி இருக்கிறது. அதாவது மிஸ்டுகால் வாயிலாக எல்பிஜி இணைப்பை வீடுதேடி வரவைக்கலாம். அரசு நிறுவனத்தால் சிலிண்டர்களை முன் பதிவு செய்வதற்கு வாடிக்கையாளர்களுக்கு பல்வேறு வகையான விருப்பங்கள் வழங்கப்படுகிறது. எனினும் தற்போது மிஸ்டுகால் வாயிலாக எல்.பி.ஜி சிலிண்டரை முன் பதிவு செய்ய இயலும். அதேபோன்று எல்.பி.ஜி இணைப்பை வீட்டில் இருந்தபடியேவும் நீங்கள் பெற்றுக்கொள்ள முடியும்.
இண்டேன் எரிவாயு சிலிண்டர்களை விநியோகிக்கும் பொது பெட்ரோலிய நிறுவனமான இந்தியன் ஆயில் கார்ப்பரேஷன் வாடிக்கையாளர்களுக்கு மிஸ்டுகால் எண்ணை வழங்கி இருக்கிறது. சிலிண்டர்களை வீட்டுவாசலில் டெலிவரி செய்து தருவதாகவும் அந்த நிறுவனம் தெரிவித்து உள்ளது. இதற்கென நீங்கள் எங்கும் செல்ல வேண்டியதில்லை. ஐஓசிஎல் தன் அதிகாரப்பூர்வமான டுவிட்டில், தற்போது உங்கள் புது இண்டேன்எல்பிஜி இணைப்பை மிஸ்டுகால் வாயிலாக மட்டுமே பெறமுடியும் என தெரிவித்து உள்ளது. அதன்படி 8454955555 என்ற எண்ணிற்கு டயல்செய்தால் எல்பிஜி இணைப்பு உங்களது வீட்டு வாசலை வந்தடையும்.
விண்ணப்பிப்பது எப்படி..?
# 8454955555 என்ற எண்ணுக்கு மிஸ்டுகால் கொடுத்தபின், இண்டேனிலிருந்து உங்களுக்கு ஒரு செய்திவரும்.
# அவற்றில் கொடுக்கப்பட்டுள்ள லிங்கை கிளிக்செய்ய வேண்டும்.
# அதன்பின் உங்களது விவரங்கள் கேட்கப்படும்.
# இந்த விபரத்தை பூர்த்திசெய்த பின், நீங்கள் அதனை சமர்ப்பிக்கவும்.
# பின் விநியோகஸ்தர் உங்களுடன் இணைவார்.
# உங்களது முழுசெயல்முறைக்குப் பின் எல்பிஜி வழங்கப்படும்.
இதுதவிர்த்து முன்பே நிறுவனத்துடன் தொடர்புடைய அனைத்து வாடிக்கையாளர்களும் இந்த எண்ணை பயன்படுத்திக்கொள்ளலாம். அறிவிக்கப்பட்டுள்ள இந்த எண்ணிலிருந்து மிஸ்டுகால் செய்வதன் வாயிலாக சிலிண்டரை நிரப்பிக்கொள்ளலாம். இதற்கு வாடிக்கையாளர்கள் தங்களது பதிவுசெய்யப்பட்ட தொலைபேசி எண்ணிலிருந்து அழைக்க வேண்டும்.