பெல்ஜியம் நாட்டின் பிரஸ்ஸல்ஸ் நகரில் ஐரோப்பிய ஒன்றியத்தின் 2நாள் மாநாடு இன்று துவங்குகிறது. இவற்றில் உக்ரைனை வேட்பாளராக 27 உறுப்பு நாடுகளும் அங்கீகரிக்கும் என தகவல்கள் வெளியாகி இருக்கிறது. நேட்டோவில் இணையக்கூடாது என்ற வலியுறுத்தலை ஏற்காத காரணத்தால் உக்ரைன் மீது ரஷ்யா தாக்குதல் மேற்கொண்டு வருகிறது.
உக்ரைன் நாட்டிற்கு நிதிஉதவி மற்றும் ஆயுதஉதவி செய்து வரும் ஐரோப்பிய ஒன்றியம், அந்நாட்டை உறுப்பினராக சேர்த்துக்கொள்ள நடவடிக்கை மேற்கொண்டு வருகிறது. ஏனெனில் உறுப்புநாடு என்றால் தான் நேரடியாக ராணுவ உதவி செய்ய இயலும். எனினும் ஐரோப்பிய ஒன்றியத்தில் இணைவது என்பது எளிதான காரியமல்ல.
அதற்கான நடைமுறைகள் முடிந்து இறுதிக்கட்டத்தை அடைவதற்கு பல வருடகாலம் ஆகும். உக்ரைன் சென்ற பிப்ரவரி 28 அன்று தான் விண்ணப்பமே கொடுத்துள்ளது. அதே சமயத்தில் அந்நாட்டுக்கு நம்பிக்கையளிக்கும் விதமாக முதலில் வேட்பாளர் அந்தஸ்து வழங்க ஐரோப்பிய ஒன்றியம் முடிவு செய்து உள்ளது. அதேபோன்று மால்டோவா நாட்டுக்கும் இன்று வேட்பாளர் அந்தஸ்து வழங்கப்படும் என தெரிகிறது.