விஜய் நடிப்பில் உருவான படம் பீஸ்ட். இந்தப் படம் வரும் ஏப்ரல் 13ஆம் தேதி திரையரங்குகளில் வெளியாக உள்ளது. இந்த நிலையில் பாண்டிச்சேரி திரையரங்குகள் திரைப்படம் கட்டணம் 100 ரூபாய் வரை உயர்த்த பட்டிருப்பதாக போஸ்டர்கள் வெளியாகி இருக்கிறது. அந்த போஸ்டரில் வரும் 13ஆம் தேதி முதல் 17ம் தேதி வரை நான்கு நாட்களுக்கு மட்டும் புதுச்சேரி அரசு உத்தரவின்படி காட்சிகளுக்கு கட்டணம் உயர்த்தப்படுவதாக கூறப்பட்டிருக்கிறது.
இதன்படி மூன்றாம் வகுப்பு கட்டணம் 50 ரூபாயிலிருந்து 150 ரூபாயாகவும், இரண்டாம் வகுப்பு கட்டணம் 75 ரூபாயிலிருந்து 175 ரூபாயாகவும், முதல் வகுப்பு கட்டணம் 100 ரூபாயிலிருந்து 200 ரூபாயாகவும், பால்கனி கட்டணம் 150 லிருந்து 250 ஆகவும், பாக்ஸ் கட்டணம் 160ரூபாயிலிருந்து 260 ரூபாயாகவும் உயர்த்தப்பட்டுள்ளதாக கூறப்பட்டிருக்கிறது. இதற்கு மக்கள் எதிர்ப்புத் தெரிவித்திருக்கும் நிலையில் கட்டணம் நிரந்தரமாக உயர்த்தப்படவில்லை என புதுச்சேரி அரசு விளக்கம் அளித்திருப்பதாக கூறப்படுகிறது.