நடிகர் மாதவன் நடித்து இயக்கிய ராக்கெட்டரி திரைப்படம் சென்ற ஜூலை மாதம் தமிழ், தெலுங்கு, இந்தி, கன்னடம் ஆகிய மொழிகளில் வெளியாகி வரவேற்பை பெற்றது. விண்வெளி விஞ்ஞானி நம்பிநாராயணன் வாழ்க்கை கதையை மையமாக கொண்டு இப்படத்தை எடுத்து இருந்தனர். இந்த திரைப்படம் இந்தியா சார்பாக ஆஸ்கார்விருதுக்கு அனுப்பப்படுமென மாதவன் எதிர்பார்த்து வந்தார். எனினும் குஜராத்தி படமான செலோ ஷோவை ஆஸ்கார் விருது போட்டிக்கு அனுப்ப தேர்வு செய்து இருக்கின்றனர்.
இது தொடர்பாக மாதவன் கூறியிருப்பதாவது ”நான் நடித்த ராக்கெட்டரி படம் ஆஸ்கார் விருதுக்கு தகுதிவாய்ந்தது ஆகும். இதுபோன்று “தி காஷ்மீர் பைல்ஸ்” படத்துக்கும் ஆஸ்கார் விருது பெறுவதற்கான தகுதி உள்ளது. ஆஸ்கார் விருது போட்டிக்கு தேர்வான “செலோ ஷோ” குஜராத்தி படக் குழுவினரை வாழ்த்துகிறேன். அவர்கள் அந்த விருதை வென்று இந்தியாவுக்கு பெருமை சேர்ப்பர். இது திரைப் பட துறையில் நாம் சிறப்பாக செயல்பட வேண்டிய காலமாகும்” என்று கூறினார். மாதவன் நடித்திருக்கும் “தோக்கா ரவுண்ட் டி கார்னர்” படம் திரைக்கு வருகிறது.