இந்த உலகில் அழகான விஷயங்கள் எவ்வளவு உள்ளதோ அந்த அளவிற்கு அசிங்கமான விஷயங்களும் உள்ளன.நீங்கள் பார்க்கக் கூடிய விஷயம் உங்களுக்கு பிடித்து இருந்தால் அது உங்களது கண்ணுக்கு அழகாகத் தோன்றும், அதுவே பிடிக்கவில்லை என்றால் அசிங்கமாகத் தோன்றும். அதனைப்போலவே ஒருவரின் முகத்தை பார்த்தால் அவர் அழகாக இருக்கிறாரா இல்லையா என்று நம்மால் எளிதாக சொல்ல முடியும். அப்படி சொல்வது அவரது வெளிப்புற தோற்றத்தை வைத்து தான்.
நீங்கள் அதிகமாக இருக்கிறார் என நினைக்கும் நபர் உங்கள் வாழ்க்கைக்கு ஒரு ஒளி விளக்காக கூட இருக்க முடியும். அப்படி உலகின் அசிங்கமான பெண் என பட்டம் பெற்ற ஒருவரின் வாழ்க்கை அழகாக இருப்பது யாரும் தெரிந்திருக்க முடியாது. 1874ஆம் ஆண்டு லண்டனில் நியூ ஹோம் என்ற பிறந்தவர் மேரி அன் பெவன். இவர் பிறக்கும்போது மற்ற பெண்களை போல இருந்தார். பின்பு படித்து நர்ஸ் பணியில் சேர்ந்தார். அவர் தாமஸ் பெவன் என்பவரை திருமணம் செய்து கொண்டார். இவர்களுக்கு 4 குழந்தைகள் இருந்தனர்.
ஆனால் திருமணம் முடிந்து சிலவருடங்களில் மேரியின் முகம் மெல்ல மெல்ல மாற தொடங்கியது. அவர் கொஞ்சம் கொஞ்சமாக பார்க்க அசிங்கமான தோற்றத்திற்கு மாறினார். அதனால் பலர் அவரை அசிங்கமான பெண் என கிண்டல் செய்ய தொடங்கினர். அவருக்கு திருமணமாகி 11 ஆண்டுகளுக்கு பிறகு அவரது கணவர் இறந்துவிட்டார்.அதனால் தனது 4 குழந்தைகளையும் தானே எடுத்துவளர்க்க வேண்டும் என்ற நிலைக்கு மேரி தள்ளப்பட்டார். தான் அசிங்கமான முக தோற்றத்தில் இருப்பதால் இவருக்கு திறமையிருந்தும் பல இடங்களில் வேலை கிடைக்கவில்லை. அதனால் என்ன செய்வது என தெரியாமல் முழித்தார்.
அப்போது 1920ம் ஆண்டு லண்டனில் உலகின் அசிங்கமான பெண்களுக்கான போட்டி என்ற ஒருபோட்டி அறிவிக்கப்பட்டது. அதில் கலந்துகொண்டு உலகின் அசிங்கமான பெண் என்ற பட்டத்தையும் வென்றார். இதன் மூலம் கிடைத்த பணத்தை வைத்து தன் வாழ்க்கையை மேம்படுத்தினார். இதனால் அதிகமான பணம் சம்பாதித்தார். இவர் 1933ம்ஆண்டு இவர் மரணமடைந்தார். உலகின் அசிங்கமான பெண் என பட்டம் பெற்ற இவர் வாழ்க்கையில் அந்த அசிங்கம் என்ற வார்த்தையை முதலீடாக வைத்து தன் வாழ்க்கையை அழகாக ஜெயித்துள்ளார் இவர் .